مەملەكەت باسشىسى لاكشمي ميتتالمەن كەزدەسۋ وتكىزدى
پرەزيدەنتكە كومپانيانىڭ ينۆەستيتسيالىق باعدارلاماسى جانە ءوندىرىستى ۇلعايتۋ، ءونىمنىڭ جاڭا تۇرلەرىن شىعارۋ، سونداي-اق قازاقستانمەن الداعى ۋاقىتتاعى سەرىكتەستىك اياسىندا الەۋمەتتىك مىندەتتەمەلەردى ورىنداۋ جونىندەگى جوسپارى تۋرالى مالىمەت بەرىلدى.
سونداي-اق قۇرال-جابدىقتاردى جاڭارتۋ، ماتەريالدىق- تەحنيكالىق بازانى جاقسارتۋ، كاسىپورىندارداعى ەڭبەكتى قورعاۋ ماسەلەلەرى قاراستىرىلدى.
مەملەكەت باسشىسى قاۋىپسىز جۇمىس ورتاسىن قامتاماسىز ەتۋدىڭ، حالىقارالىق قاۋىپسىزدىك تالاپتارىن ساقتاۋدىڭ جانە قىزمەتكەرلەردى وقىتۋدىڭ اسا ماڭىزدى ەكەنىن اتاپ ءوتتى.
قاسىم-جومارت توقايەۆ قازاقستاندىق جۇمىسشىلارعا لايىقتى ەڭبەكاقى تولەنۋگە ءتيىس ەكەنىن ايتتى.
سونىمەن قاتار «ارسەلورميتتال تەمىرتاۋ» كومپانياسىنىڭ 2024-جىلعا قاراي قالدىقتاردى 30 پايىزعا، ال 2030-جىلعا قاراي 50 پايىزعا ازايتۋ، سونداي-اق وسى ستراتەگيانى ىسكە اسىرۋعا قاراعاندى وبلىسىنىڭ جۇرتشىلىعىن تارتۋ ءۇشىن قابىلداپ جاتقان شارالارىنا ەرەكشە نازار اۋدارىلدى.
