پرەزيدەنت ۋكرايناداعى جاعدايعا بايلانىستى قاۋىپسىزدىك كەڭەسىنىڭ شۇعىل جيىنىن وتكىزدى

نۇر- سۇلتان. قازاقپارات - اقوردادا مەملەكەت باسشىسىنىڭ توراعالىعىمەن قاۋىپسىزدىك كەڭەسىنىڭ شۇعىل جيىنى ءوتتى.

وندا ۋكرايناداعى جاعدايلارعا بايلانىستى قازاقستاننىڭ ودان ءارى الەۋمەتتىك- ەكونوميكالىق دامۋ ماسەلەلەرى قاراستىرىلدى، دەپ حابارلايدى اقوردا.

پرەزيدەنت پرەمەر- مينيستر ءاليحان سمايىلوۆتىڭ، ۇلتتىق بانك ءتوراعاسى عالىمجان ءپىرماتوۆتىڭ، پرەمەر- ءمينيستردىڭ ورىنباسارى - سىرتقى ىستەر ءمينيسترى مۇحتار تىلەۋبەردىنىڭ، قورعانىس ءمينيسترى رۋسلان جاقسىلىقوۆتىڭ جانە باسقا دا ۆەدومستۆو باسشىلارىنىڭ باياندامالارىن تىڭدادى.

قاسىم- جومارت توقايەۆ اسكەري- ساياسي جانە سانكسيالىق تەكەتىرەستەردىڭ ناتيجەسىندە ۋشىعۋى مۇمكىن حالىقارالىق احۋالعا شۇعىل ارەكەت ەتۋ ءۇشىن داعدارىسقا قارسى جەدەل شارالار جوسپارىن قابىلداۋ قاجەت ەكەنىن ايتتى.

مەملەكەت باسشىسى ىقتيمال ەكونوميكالىق قاۋىپ پەن وزگە دە قاتەرلەردىڭ الدىن الۋ جونىندە ءبىرقاتار ناقتى تاپسىرما بەردى.