09:30, 22 - اقپان 2022 | GMT +5
ءاليحان سمايىلوۆ دەنساۋلىق ساقتاۋ مينيسترىنە بريفينگىلەردى ساپالى وتكىزۋدى تاپسىردى
نۇر- سۇلتان. قازاقپارات – ق ر پرەمەر- ءمينيسترى ءاليحان سمايىلوۆ ۇكىمەت وتىرىسىندا دەنسۋلىق ساقتاۋ مينيسترلىگىنىڭ بريفينگىسىندە ۆيتسە- ءمينيستردىڭ ب ا ق وكىلدەرىنىڭ سۇراقتارىنا دۇرىس جاۋاپ بەرە الماعانىنا نازار اۋداردى، دەپ حابارلايدى قازاقپارات ءتىلشىسى.

ەلدەگى ەپيداحۋال تۋرالى بايانداما جاساعان دەنساۋلىق ساقتاۋ ءمينيسترى اجار عينياتقا ۇكىمەت باسشىسى ءاليحان سمايىلوۆ ۆەدومستۆونىڭ وكىلدەرىمەن وتەتىن بريفينگىلەرگە مۇقيات دايىندالۋدى تاپسىردى.
«وتكەن اپتادا ءسىزدىڭ ورىنباسارىڭىزدىڭ قاتىسۋىمەن بريفينگ وتكەن ەدى. دەنساۋلىق ساقتاۋ ۆيتسە- ءمينيسترىنىڭ جۋرناليستەردىڭ سۇراقتارىنا ناقتى جاۋاپ بەرە الماعانى وكىنىشتى. وسىعان نازار اۋدارۋىڭىزدى سۇرايمىن. مۇنداي جاعدايلار، قۇرمەتتى ارىپتەستەر، بۇكىل ۇكىمەتتىڭ جۇمىسىنا كەرى اسەرىن بەرەدى. ۇكىمەت مۇشەلەرىنە جۋرناليستەرمەن تىعىز بايلانىستا بولۋدى تاپسىرامىن. ءبىز قوعامعا اشىق بولۋىمىز قاجەت. ءاربىر قابىلدانعان شەشىم دۇرىس ءتۇسىندىرىلۋى كەرەك. قوعاممەن اقىلداسا وتىرىپ قابىلدانۋى كەرەك. بۇل - ۇكىمەتتىڭ نەگىزگى مىندەتى»، - دەدى پرەمەر- مينيستر.