19:31, 21 - اقپان 2022 | GMT +5
«سامۇرىق-قازىنادا» رەفورما قالاي ءجۇرىپ جاتىر - قور باسشىسى پرەزيدەنتكە ەسەپ بەردى
نۇر-سۇلتان. قازاقپارات - قاسىم-جومارت توقايەۆقا «سامۇرىق-قازىنا» قورىن رەفورمالاۋ جونىندەگى ءىس-شارالار جوسپارىنىڭ ورىندالۋى تۋرالى مالىمەت بەرىلدى، دەپ حابارلايدى اقوردا.
الماسادام ساتقاليەۆ پرەزيدەنتكە ەنەرگەتيكا، مۇناي-گاز جانە ينفراقۇرىلىم سالالارىنداعى ءىرى ينۆەستيتسيالىق جوبالاردىڭ جۇزەگە اسىرىلۋ بارىسىن ايتتى.
مەملەكەت باسشىسىنا قور توپتارىنىڭ ماڭىزدى اكتيۆتەرىن جەكەشەلەندىرۋ جانە IPO- عا شىعارۋ جوسپارى تۋرالى باياندالدى.
كەزدەسۋ قورىتىندىسى بويىنشا مەملەكەت باسشىسى «سامۇرىق-قازىنا» اكسيونەرلىك قوعامىن رەفورمالاۋعا، ساتىپ الۋلاردىڭ اشىقتىعىن ارتتىرۋعا، وتاندىق تاۋار وندىرۋشىلەر مەن جەتكىزۋشىلەردى قولداۋعا قاتىستى ءبىرقاتار ناقتى تاپسىرما بەردى.
