20:54, 17 - اقپان 2022 | GMT +5
رەفورمالار مىندەتتى تۇردە ءوز جالعاسىن تابادى - پرەزيدەنت
نۇر- سۇلتان. قازاقپارات - توڭكەرىسشىلەر ەلىمىزدە قولعا الىنعان رەفورمالارعا كەدەرگى كەلتىرۋگە تىرىستى.
بۇل تۋرالى «QAZAQSTAN» ۇلتتىق تەلەارناسىنداعى سۇحباتى كەزىندە مەملەكەت باسشىسى قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.
سۇحبات بارىسىندا ءتىلشى توڭكەرىسشىلەر بيلىككە نەگە قارسى شىققانىن سۇرادى.
«ماسەلە مىنادا: توڭكەرىسشىلەر ەلىمىزدە قولعا الىنعان رەفورمالارعا كەدەرگى كەلتىرۋگە تىرىستى. ءتىپتى پرەزيدەنتكە دە قارسى بولدى. وزگەرىستەر ولاردىڭ مۇددەلەرىنە ءتيىمدى ەمەس ەدى. ويتكەنى، رەفورمالاردىڭ باستى ماقساتى - ادىلەتتى قوعام ورناتۋ، مونوپوليالاردى جويۋ، ساياسي ترانسفورماتسيا جاساۋ، ەلىمىزدىڭ ەكونوميكالىق دامۋىن جەدەلدەتۋ. حالىق تا وسىنى تالاپ ەتىپ وتىر. سوندىقتان، باعىتىمىزدى وزگەرتپەيمىز، رەفورمالار مىندەتتى تۇردە ءوز جالعاسىن تابادى»، - دەدى پرەزيدەنت قاسىم-جومارت توقايەۆ.
