پرەزيدەنت ادىلەت مينيسترىنە ازاماتتاردىڭ قۇقىعى مەن بوستاندىعىن قورعاۋعا ەرەكشە نازار اۋدارۋدى تاپسىردى
بۇل تۋرالى قازاقپارات اقوردانىڭ رەسمي سايتىنا سىلتەمە جاساپ حابارلايدى.
قاسىم- جومارت توقايەۆقا مەملەكەت مۇددەسىنىڭ قازاقستاندىق جانە حالىقارالىق سوتتاردا قورعالۋىن قامتاماسىز ەتۋ جونىندە مالىمەت بەرىلدى. قازىرگى ۋاقىتتا مينيسترلىك 25 ءىس بويىنشا مەملەكەت مۇددەسىن قورعاۋ جۇمىستارىن جالعاستىرۋدا. اتاپ ايتقاندا، ولاردىڭ 14- ءى حالىقارالىق اربيتراجداردىڭ، 5- ۋى شەتەلدىك سوتتاردىڭ قاراۋىندا جاتىر، 6 ءىس سوتقا دەيىنگى وندىرىستە.
سونىمەن قاتار قانات مۋسين سوت اكتىلەرىنىڭ ورىندالۋىنا قاتىستى جاعداي مەن حالىققا زاڭگەر كومەگىنىڭ بەرىلۋى جونىندە ەسەپ بەردى. ادىلەت ءمينيسترىنىڭ ايتۋىنشا، 122 مىڭنان استام ازامات كەپىلدەندىرىلگەن زاڭ كومەگىن العان، وسى ماقساتتا 1,8 ميلليارد تەڭگە بولىنگەن. الەۋمەتتىك جاعدايى تومەن 11 مىڭنان استام ادام زاڭگەر كومەگىن تەگىن العان. پرەزيدەنت ادىلەت مينيسترلىگىنىڭ 2022 -جىلعا ارنالعان جوسپارىمەن تانىسقاننان كەيىن ازىرلەنىپ جاتقان نورماتيۆتىك- قۇقىقتىق اكتىلەردىڭ ساپالى ورىندالۋىن قامتاماسىز ەتۋگە، سونداي- اق ازاماتتاردىڭ قۇقىعى مەن بوستاندىعىن قورعاۋعا باعىتتالعان زاڭگەرلىك قىزمەت كورسەتۋ ىسىنە ەرەكشە نازار اۋدارۋدى تاپسىردى.
