ەرتەڭ مەملەكەت باسشىسىنىڭ سۇحباتى ۇلتتىق ارنادان كورسەتىلەدى

نۇر- سۇلتان. قازاقپارات - ەرتەڭ، 17- اقپان كۇنى ساعات 20:30-دا «QAZAQSTAN» ۇلتتىق تەلەارناسىنان مەملەكەت باسشىسى قاسىم- جومارت توقايەۆتىڭ سۇحباتى كورسەتىلەدى.

بۇل تۋرالى قازاقپارات پرەزيدەنت تەلەراديوكەشەنىنە سىلتەمە جاساپ حابارلايدى.

پرەزيدەنت سۇحبات بارىسىندا قاسىرەتتى قاڭتار وقيعاسىنىڭ سەبەپ- سالدارى مەن الداعى ۋاقىتتا جۇزەگە اسىرىلاتىن ساياسي جانە الەۋمەتتىك رەفورمالار، قازاقستاننىڭ سىرتقى ساياساتتاعى ستراتەگيالىق سەرىكتەستەرىمەن قارىم- قاتىناستارىنا، قابىلداعان شەشىمدەرىنە قاتىستى ساۋالدارعا جاۋاپ بەرەدى.