قاسىم- جومارت توقايەۆ تۇرىكمەنستان پرەزيدەنتىمەن تەلەفون ارقىلى سويلەستى
مەملەكەتتەر باسشىلارى ەكىجاقتى قارىم- قاتىناستاردى ودان ءارى نىعايتۋدىڭ پەرسپەكتيۆالارىن، ونىڭ ىشىندە قازاقستان پرەزيدەنتىنىڭ بىلتىرعى قازان ايىندا اشحابادقا جاساعان مەملەكەتتىك ساپارىنىڭ قورىتىندىسى بويىنشا قول جەتكىزىلگەن ۋاعدالاستىقتاردىڭ ىسكە اسىرىلۋ بارىسىن تالقىلادى.
پرەزيدەنتتەر ءوزارا ساۋدا- ساتتىق كولەمىنىڭ ارتقانىنا، ەنەرگەتيكا، كولىك، ونەركاسىپ جانە اۋىل شارۋاشىلىعى سالالارىنداعى ىنتىماقتاستىقتىڭ جاندانعانىنا كوڭىلدەرى تولاتىنىن ايتتى. اڭگىمەلەسۋ بارىسىندا مەملەكەتتەر باسشىلارى باۋىرلاس ەكى ەل اراسىنداعى ساۋدا- ەكونوميكالىق، ينۆەستيتسيالىق جانە مادەني- گۋمانيتارلىق بايلانىستاردى ودان ءارى كەڭەيتۋگە نيەتتى ەكەندەرىن اتاپ ءوتتى.
قاسىم- جومارت توقايەۆ تۇرىكمەنستان پرەزيدەنتىنە شىنايى قۇرمەتىن بىلدىرە وتىرىپ، گۋربانگۋلى بەردىمۇحامەدوۆتىڭ كەزەكتەن تىس پرەزيدەنت سايلاۋىن وتكىزۋ جونىندەگى شەشىمىن قولدايتىنىن مالىمدەدى. قاسىم- جومارت توقايەۆتىڭ ايتۋىنشا، تۇرىكمەنستان باسشىسىنىڭ ساياسي ءارى ومىرلىك مول تاجىريبەسى وسى مەملەكەتتىڭ وركەندەۋىنە سەپتىگىن تيگىزەرى ءسوزسىز.
