ق ر پرەزيدەنتىنىڭ باسپا ءسوز حاتشىسى بەرىك ءۋالي جاڭا قىزمەتكە تاعايىندالدى

نۇر- سۇلتان. قازاقپارات - «قازاقستان» رەسپۋبليكالىق تەلەراديوكورپوراتسياسى» اكسيونەرلىك قوعامى ديرەكتورلار كەڭەسى مۇشەلەرىنىڭ كەزەكتى وتىرىسىندا قازاقستان رەسپۋبليكاسى پرەزيدەنتىنىڭ باسپا ءسوز حاتشىسى بەرىك ءۋالي «قازاقستان» ر ت ر ك» ا ق ديرەكتورلار كەڭەسىنىڭ ءتوراعاسى بولىپ سايلاندى، دەپ حابارلايدى قازاقپارات اكسيونەرلىك قوعامنىڭ باسپا ءسوز قىزمەتىنە سىلتەمە جاساپ.

بەرىك ءۋالي 1977 -جىلى تۋعان. ت. ق. جۇرگەنوۆ اتىنداعى قازاق مەملەكەتتىك تەاتر جانە كينو ينستيتۋتىن كينوتانۋشى ماماندىعى بويىنشا، ءال-فارابي اتىنداعى قازاق ۇلتتىق ۋنيۆەرسيتەتىنىڭ ماگيستراتۋراسىن جۋرناليستيكا ماماندىعى بويىنشا، قازاق يننوۆاتسيالىق گۋمانيتارلىق زاڭ ۋنيۆەرسيتەتىن قۇقىقتانۋ ماماندىعى بويىنشا بىتىرگەن.

ەڭبەك جولىن «تاڭ» تەلەارناسىنىڭ ءتىلشىسى بولىپ باستاپ، ءتۇرلى جىلدارى «31-ارنا»، «حابار»، «Qazaqstan» تەلەارنالارىنىڭ رەداكتورى جانە جۇرگىزۋشىسى بولىپ ەڭبەك ەتتى. سىبايلاس جەمقورلىققا قارسى «نۇر مەديا» مەديا ورتالىعىن باسقارعان.

و ق و اكىمى اپپاراتى باسشىسىنىڭ ورىنباسارى، و ق و ىشكى ساياسات جانە ءدىن ىستەرى باسقارماسىنىڭ باسشىسى، جامبىل وبلىسىنىڭ ىشكى ساياسات باسقارماسىنىڭ باسشىسى،

«Nur Otan» پارتياسى ءتوراعاسىنىڭ ءبىرىنشى ورىنباسارىنىڭ كەڭەسشىسى، ق ر ينۆەستيتسيالار جانە دامۋ ءمينيسترىنىڭ كەڭەسشىسى جانە اقپاراتتىق قامتاماسىز ەتۋ دەپارتامەنتىنىڭ ديرەكتورى قىزمەتتەرىن اتقارعان.

2019 -جىلعى ناۋرىزدا مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ باسپا ءسوز حاتشىسى بولىپ تاعايىندالدى. سونىمەن قاتار 2019 -جىلدىڭ قىركۇيەك ايىندا «ق ر پرەزيدەنتىنىڭ تەلەراديوكەشەنى» ك ە ا ق ديرەكتورلار كەڭەسىنىڭ ءتوراعاسى بولىپ سايلاندى.