توقايەۆ: مەملەكەتىمىزدىڭ تۇتاستىعىنا، ازاماتتارىمىزدىڭ قاۋىپسىزدىگىنە، ەلىمىزدىڭ بولاشاعىنا قاۋىپ ءتوندى

نۇر-سۇلتان. قازاقپارات - مەملەكەتىمىزدىڭ تۇتاستىعىنا، ازاماتتارىمىزدىڭ قاۋىپسىزدىگىنە، ەلىمىزدىڭ بولاشاعىنا قاۋىپ ءتوندى. ءبىز لاڭكەستەرگە دەر كەزىندە تويتارىس بەرىپ، بەتىن قايتاردىق.

بۇل تۋرالى ق ر پرەزيدەنتى قاسىم-جومارت توقايەۆ قاڭتار وقيعاسى كەزىندە قايتىس بولعان ازاماتتاردىڭ رۋحىنا قۇران باعىشتاۋ راسىمىندە ايتتى، دەپ حابارلايدى قازاقپارات.

«مەملەكەتىمىزدىڭ تۇتاستىعىنا، ازاماتتارىمىزدىڭ قاۋىپسىزدىگىنە، ەلىمىزدىڭ بولاشاعىنا قاۋىپ ءتوندى. ءبىز لاڭكەستەرگە دەر كەزىندە تويتارىس بەرىپ، بەتىن قايتاردىق. وكىنىشكە قاراي، دۇربەلەڭدە ءبىرقاتار ازاماتىمىز قازا تاپتى. بۇل - ناعىز قاسىرەت. قازىرگى تاڭدا ءتيىستى مەكەمەلەر ازاماتتاردىڭ ءاربىر ءىسى بويىنشا تەرگەۋ جۇمىستارىن جۇرگىزىپ جاتىر. ادام قۇقىعىن قورعاۋ ماسەلەسى مەن ءۇشىن اسا ماڭىزدى. قايعىلى جاعداي بۇكىل ەلدىڭ قابىرعاسىن قايىستىردى»، - دەدى قاسىم-جومارت توقايەۆ.