كۆازيمەملەكەتتىك كومپانيالاردىڭ بيۋدجەتى قوعام ءۇشىن اشىق بولۋى كەرەك - بەرىك دۇيسەنبينوۆ

«جاقىندا پرەزيدەنت قاسىم- جومارت توقايەۆتىڭ قايعىلى قاڭتار وقيعالارىنا قاتىستى «حابار» تەلەارناسىنا بەرگەن سۇحباتىندا پارلامەنتتىك جۇيەنى بايىپتى تۇردە رەفورمالاۋ قاجەتتىگىن اتاپ وتكەن بولاتىن. ال 11 - قاڭتاردا ءماجىلىستىڭ جالپى وتىرىسىندا مەملەكەت باسشىسى كەيبىر مەملەكەتتىك ورگانداردىڭ قىزمەتىن ءساتسىز دەپ اتاپ، ولاردىڭ قوعامدا الەۋمەتتىك تەڭسىزدىك پەن مۇلىكتىك جىكتەلۋگە اكەپ سوققانىن ايتتى. سوعان بايلانىستى ول الەۋمەتتىك- ەكونوميكالىق ساياساتتى قايتا قۇرىپ، ونىڭ ىشىندە بيۋدجەتتىڭ قوسىمشا كىرىس كوزدەرىن تابۋ تۋرالى تاپسىرما بەردى. «اق جول» فراكسياسى بۇگىندە ونداي كوزدەردىڭ بار ەكەنىن، تەك ولاردىڭ قوعام ءۇشىن كورىنبەيتىنىن، ال ونىڭ رەسۋرستارى مەملەكەتكە ەمەس، از عانا ءبىر توپتىڭ مۇددەسىنە عانا قىزمەت ەتەدى دەپ ەسەپتەيدى. ءدال وسى پارلامەنت جۇيەسىن رەفورمالاۋ ارقىلى وسى قارجى كوزدەرىن «جارىققا شىعارىپ» جانە ولاردى حالىققا قىزمەت ەتكىزۋگە مۇمكىندىك بار»، - دەدى ب. دۇيسەنبينوۆ ۇكىمەت باسشىسى ءاليحان سمايىلوۆتىڭ اتىنا جولداعان ساۋالىندا.

ونىڭ ايتۋىنشا، «اق جول» پارتياسى بىرنەشە جىلدار بويى جىل سايىنعى رەسپۋبليكالىق بيۋدجەتتى بەكىتۋ جانە ونىڭ جۇزەگە اسىرىلۋى بويىنشا ەسەپتى تىڭداۋ بارىسىندا ۇكىمەتكە وسى تالاپتى قويىپ كەلەدى.

«ماسەلە ەكونوميكامىزدىڭ 60 پايىزىن قۇرايتىن، 6,5 مىڭ زاڭدى تۇلعا كىرەتىن كۆازيمەملەكەتتىك سەكتوردىڭ قوعام الدىنداعى اشىقتىعى مەن ەسەپتىلىگى تۋرالى بولىپ وتىر. كۆازي كاسىپورىنداردىڭ جارعىلىق كاپيتالى مەن شىعىندارى مەملەكەتتىك بيۋدجەتتىڭ ميللياردتاعان سوماسىنان قۇرالىپ، تۇراقتى تولىقتىرىلىپ تۇرادى. الايدا، ولاردىڭ جۇمسالۋى، ياعني، كەڭسەلەر مەن كولىكتەردى ۇستاۋ، سىياقىلار مەن بونۋستاردىڭ قالاي ءبولىنۋىنىڭ بارلىعى قوعامعا دا، پارلامەنتكە دە جۇمباق. سونداي- اق، ولاردىڭ قانداي تابىس تاۋىپ جانە ونى قالاي ۇستايتىندارىن دا ەشكىم بىلمەيدى. ءدال وسى جەردە جۇيەلى زاڭبۇزۋشىلىق ورىن الىپ، جەمقورلىق تامىرىن جايۋدا جانە مەملەكەت ەسەبىنەن ەش شەكتەۋسىز بايۋ كوزىنە اينالعان. شىعىنعا بەلشەسىنەن باتىپ جاتسا دا، مەنەدجەرلەر وزدەرىنە ميلليونداعان سىايقى ءبولىپ، بۇكىل حالىقتىڭ موينىنا جۇكتەلەتىن سىرتقى قارىزدىڭ قوماقتى بولىگىن قالىپتاستىرۋدا. سوندىقتان، كۆازيمەملەكەتتىك مەكەمەنىڭ بيۋدجەتىن قوعام مەن پارلامەنتتىڭ قاداعالاۋىنا قايتارۋ - وتە ماڭىزدى شارا»، - دەدى دەپۋتات.

ونىڭ پايىمىنشا، ولاي بولماسا، پارلامەنت پەن قوعام ەكونوميكامىزدىڭ باقانداي الپىس پايىز تابىسىن كورە الماي وتىر.

«بۇل جەردە اڭگىمە ەلدىڭ اۋىزىنداعى «سامۇرىق- قازىنادا» عانا ەمەس. بۇلار - «بايتەرەك قورى» جانە مينيسترلىكتەر مەن اكىمشىلىكتەردىڭ ماڭايىنا ۇيمەلەگەن «س ق- فارماتسيا» قورى، «پاراسات» حولدينگى، س پ ك سياقتى قاپتاعان ر گ پ، ا و جانە ت و و- دان اياق الىپ ءجۇرۋ مۇمكىن ەمەس. نەگىزىندە، س پ ك دەگەنىمىز - ايماقتار دەڭگەيىندە قۇرىلعان سول «سامۇرىق- قازىنانىڭ» ءتۇرى. ولار شاعىن ورتا بيزنەستى قولداۋ ءۇشىن، الەۋمەتتىك ازىق- تۇلىك باعاسىن تۇراقتاندىرۋ ءۇشىن قۇرىلعان بولاتىن جانە ولارعا بيزنەس پەن مەملەكەت قانشا قارجى شىعىنداندى. الايدا، بۇل قۇرىلىمنان «پايدا بار ما»، وسىنى ساراپتايتىن كەز كەلگەن سياقتى. ولاردىڭ بيۋدجەتتەرى، شىعىستارى مەن كىرىستەرى تولىعىمەن اشىق بولىپ، رەسپۋبليكالىق جانە جەرگىلىكتى بيۋدجەتتەرگە كىرگىزىپ، ال ولاردىڭ باسشىلىعى شىعىستار مەن جەتكەن جەتىستىكتەرى تۋرالى قوعام الدىندا ەسەپ بەرۋى ءتيىس»، - دەدى بەرىك دۇيسەنبينوۆ.

دەپۋتاتتىڭ سوزىنە قاراعاندا، ەكىنشى رەزەرۆتىڭ كوزى - مىندەتتى «جيناقتاۋشى»، «ساقتاندىرۋ» نەمەسە «مۇشەلىك جارنا» دەپ اتالاتىن ازاماتتار مەن كاسىپكەرلىكتىڭ شىن مانىندە قوسىمشا سالىقتارعا اينالىپ كەتكەن مىندەتتى تولەمدەرى. مەديتسينالىق جانە الەۋمەتتىك ساقتاندىرۋ قورى قاراجاتىنىڭ تۇلعاسىز پايدالانىلۋى مەن ءبىرىڭعاي جيناقتاۋشى زەينەتاقى قورىنىڭ ماڭايىنداعى ءجيى بولاتىن داۋلاردى ەسكەرسەك، وسى قورلاردى باسقارۋ، ولاردىڭ شىعىستارى مەن سىياقىلارى دا پارلامەنتتىڭ اشىق تالقىلاۋى مەن باقىلاۋىندا بولۋى ءتيىس.

«وسىعان بايلانىستى «اق جول» فراكسياسى مەملەكەتتىك بيۋدجەتكە بارلىق كۆازيمەملەكەتتىك مەكەمەلەردىڭ بيۋدجەتتەرىنىڭ اشىقتىعى بويىنشا ارنايى تاراۋ ەنگىزىپ، باسشىلارىن قوعام الدىندا ءوز شىعىندارىن دالەل كەلتىرە وتىرىپ قورعاۋدى جانە جۇمىس ناتيجەسى تۋرالى ەسەپ بەرۋدى مىندەتتەۋدى ۇسىنادى»، - دەدى ول.

اۆتور: رۋسلان عابباسوۆ