اسقار مامين سولتۇستىك جانە شىعىس وڭىرلەردى گازداندىرۋ جوسپارىن ازىرلەۋدى تاپسىردى

«وسى جىلدىڭ سوڭىنا دەيىن وتىن- ەنەرگەتيكا كەشەنىن دامىتۋدىڭ 2030 -جىلعا دەيىنگى جاڭارتىلعان تۇجىرىمداماسى قابىلدانسىن. «قازترانس گاز» - بەن بىرگە 2022 -جىلعى 1- ساۋىرگە دەيىن ەلىمىزدىڭ سولتۇستىك جانە شىعىس وڭىرلەرىن گازداندىرۋ ماسەلەسى بويىنشا كەشەندى جوسپاردى ازىرلەۋدى قامتاماسىز ەتسىن. ۇشىنشىدەن، ەنەرگەتيكا مينيسترلىگى ۇلتتىق ەكونوميكا مينيسترلىگىمەن، «سامۇرىق- قازىنا» قورىمەن جانە جەكە ەنەرگيا ءوندىرۋشى ۇيىمدارمەن بىرلەسىپ، ەلەكتر ستانسيالارىن جاڭعىرتۋ مەن جاڭالارىن سالۋدى قارجىلاندىرۋ مەحانيزىمىن ازىرلەسىن»، - دەدى اسقار مامين ۇكىمەت وتىرىسىندا.

سونداي- اق، پرەمەر- مينيستر الداعى جىلى ءبىرقاتار ونەركاسىپتى ىسكە قوسۋ كەرەكتىگىن مىندەتتەدى. «سامۇرىق- قازىنا» قورىمەن بىرلەسىپ، 2022 -جىلعى 1- ساۋىرگە دەيىن پوليپروپيلەن ءوندىرۋ زاۋىتىن ىسكە قوسۋدى قامتاماسىز ەتسىن، سونداي- اق اتىراۋ وبلىسىندا پوليەتيلەن ءوندىرۋ جونىندەگى جوبانى ىسكە اسىرۋدى باستاسىن. ودان بولەك، جاڭارتىلاتىن ەنەرگيا كوزدەرىن پايدالانۋدىڭ ۇلكەن الەۋەتىنىڭ بولۋىن ەسكەرە وتىرىپ، قازاقستاندا «جاسىل ەنەرگەتيكانى» دامىتۋ جونىندەگى جۇمىستى جانداندىرۋ قاجەت»، - دەيدى ول. بۇعان دەيىن ۇكىمەت باسشىسى وتاندىق ەنەرگەتيكا جانە مۇناي- گاز ءوندىرۋ سالاسىن ودان ءارى دامىتۋ تۋرالى ءسوز قوزعاعان ەدى.

اۆتور: ءالي يبرايەۆ