ماۋلەن اشىمبايەۆ، بەكبولات تىلەۋحان جانە ەرلان تۇرعىمبايەۆ «بارىس» وردەنىن الدى
« Ⅱ دارەجەلى «بارىس» وردەنىمەن پارلامەنت سەناتىنىڭ ءتوراعاسى ماۋلەن اشىمبايەۆ ماراپاتتالدى. قازاق كينوسىنىڭ ارداگەرى، بەلگىلى اكتەر نۇرجۇمان ىقتىمبايەۆ، ەلگە تانىمال حيرۋرگ سەرىك توقپانوۆ جانە تانىمال جازۋشى ۆالەري ميحايلوۆ تا Ⅱ دارەجەلى بارىس وردەنىن يەلەندى. بەلگىلى ونەر يەسى، كورنەكتى قوعام قايراتكەرى، ءماجىلىس دەپۋتاتى بەكبولات تىلەۋحان Ⅲ دارەجەلى بارىس وردەنىمەن ماراپاتتالدى»، - دەدى مەملەكەت باسشىسى مەملەكەتتىك ناگرادالار يەگەرلەرىن ماراپاتتاۋ راسىمىندە.
سونىمەن بىرگە، Ⅱ دارەجەلى «بارىس» وردەنىن الۋ ءۇشىن ق ر ىشكى ىستەر ءمينيسترى ە. تۇرعىمبايەۆ، Ⅲ دارەجەلى بارىس وردەنىن الۋعا - «BI Group» حولدينگى ديرەكتورلار كەڭەسىنىڭ ءتوراعاسى ايدىن راحىمبايەۆ، «سامۇرىق- قازىنا» ا ق باسقارما ءتوراعاسى الماسادام ساتقاليەۆ، «قازاقمىس حولدينگ» ج ش س ديرەكتورلار كەڭەسىنىڭ ءتوراعاسى ەدۋارد وگاي كەلدى.
ودان بولەك، Ⅲ دارەجەلى «بارىس» وردەنىمەن ماراپاتتالعاندار تىزىمىندە «Nur Otan» پارتياسى ءتوراعاسىنىڭ ءبىرىنشى ورىنباسارى ب. بايبەك، «ۇلتتىق بانكتىڭ بانكنوتتىق فابريكاسى» ر م ك باس ديرەكتورى ب. ءالجانوۆ، مادەنيەتتانۋشى ك. ابايەۆ، ەڭبەك ارداگەرلەرى: م. بايعۇت، ع. باينازاروۆ، ر. تۇسىپبەكوۆ، قازاقستان قارجىگەرلەر قاۋىمداستىعى كەڭەسىنىڭ ءتوراعاسى ە. باحمۋتوۆا، «كارديوحيرۋرگيا جانە ترانسپلانتولوگيا عىلىمي- كلينيكالىق ورتالىعى» ج ش س ديرەكتورى س. جوشىبايەۆ، «نۇرسۇلتان نازاربايەۆ قورى» ج ق اتقارۋشى ديرەكتورى ق. جۇمابايەۆ، ۇلتتىق عىلىم اكادەمياسىنىڭ اكادەميگى ز. دۇيسەنبەكوۆ، «مونتاجسپەتسستروي» كومپانياسى» ا ق ديرەكتورلار كەڭەسىنىڭ ءتوراعاسى ە. ەجيكوۆ- باباحانوۆ، «قازاقستان جازۋشىلار وداعى» ر ق ب ءتوراعاسى ۇ. ەسداۋلەت، اقىن ح. ەسەنقارا قىزى، نۇر- سۇلتان قالالىق قوعامدىق كەڭەسىنىڭ ءتوراعاسى س. ەسىلوۆ، تۇركىستان وبلىستىق ارداگەرلەر كەڭەسىنىڭ ءتوراعاسى ج. ماۋلەنقۇلوۆ، «جامبىل اتىنداعى قازاق مەملەكەتتىك فيلارمونياسى» ر م ك ك ءارتىسى ن. ءنۇسىپجانوۆ، «س. اسفەندياروۆ اتىنداعى قازاق ۇلتتىق مەديتسينا ۋنيۆەرسيتەتى» ك ە ا ق پروفەسسورى ك. ورمانتايەۆ، «ت. جۇرگەنوۆ اتىنداعى قازاق ۇلتتىق ونەر اكادەمياسى» ر م م پروفەسسورى ە. سەرگەبايەۆ، «ل. گۋميلەۆ اتىنداعى ەۋرازيا ۇلتتىق ۋنيۆەرسيتەتى» ك ە ا ق باسقارما ءتوراعاسى - رەكتور ە. سىدىقوۆ، پارلامەنت ءماجىلىسىنىڭ دەپۋتاتى ب. تىلەۋحان، «قازاقتاردىڭ دۇنيەجۇزىلىك قاۋىمداستىعى» ر ق ب ءتوراعاسىنىڭ ءبىرىنشى ورىنباسارى ز. تۇرىسبەكوۆ بار.
بۇعان دەيىن پرەزيدەنت قاسىم-جومارت توقايەۆ تاۋەلسىزدىكتىڭ 30 جىلدىعى قارساڭىندا ەل ازاماتتارىنا العىس ايتقان ەدى. سونداي- اق، ەلىمىزدىڭ ەڭ جوعارى اتاعى - «قازاقستاننىڭ ەڭبەك ەرى» ماراپاتى ءۇش ادامعا تابىس ەتىلدى.
«وتان» وردەنىمەن ەڭبەك ارداگەرى، كورنەكتى مەملەكەت جانە قوعام قايراتكەرى، بەلگىلى عالىم مىرزاتاي جولداسبەك پەن تانىمال اقىن اقۇشتاپ باقتىگەرەيەۆا جانە كورنەكتى جازۋشى ءسابيت دوسانوۆ ماراپاتتالدى. ال I دارەجەلى بارىس وردەنىمەن مەملەكەت جانە قوعام قايراتكەرلەرى - نۇرتاي ابىقايەۆ، داريعا نازاربايەۆا، قۋانىش سۇلتانوۆ جانە بەلگىلى عالىم تىلەكتەس ەسبولوۆ، «زەنيت» ورال زاۋىتى» ا ق باس ديرەكتورى ۆياچەسلاۆ ۆاليەۆ ماراپاتتالدى.
اۆتور: ايجان سەرىكجان قىزى
