قاسىم- جومارت توقايەۆ ەكى اۆتوجولدىڭ قۇرىلىسىنا قاتىستى تاپسىرما بەردى
ەكىباستۇز. قازاقپارات - مەملەكەت باسشىسى قاسىم- جومارت توقايەۆ ەكى اۆتوجولدىڭ قۇرىلىسىنا قاتىستى تاپسىرما بەردى، دەپ حابارلايدى قازاقپارات ءتىلشىسى.
«2024 -جىلى جەزقازعان- قىزىلوردا اۆتوموبيل جولىنىڭ قۇرىلىسى اياقتالۋى ءتيىس. بۇل جەزقازعان مەن ساتبايەۆ قالالارىنىڭ ساۋدا- كولىك بايلانىسىن كۇشەيتۋگە، سونىمەن قاتار جۇك ترانزيتىن ارتتىرۋعا مۇمكىندىك بەرەدى»، - دەدى قاسىم- جومارت توقايەۆ ەكىباستۇزدا ءوتىپ جاتقان مونوقالالاردى دامىتۋ ماسەلەلەرىنە ارنالعان جينالىستا.
اقوردانىڭ Twitter- دەگى مالىمەتىنە سايكەس، سونداي- اق مەملەكەت باسشىسى نۇر- سۇلتان- الماتى جولىن جاڭعىرتۋدى 2023 -جىلى اياقتاۋدى تاپسىردى.
«شالعايداعى ءىرى مونوقالاردىڭ ەلىمىزدىڭ وزگە وڭىرلەرمەن ستراتەگيالىق كولىك بايلانىسىن قامتاماسىز ەتۋ قاجەت. مەن نۇر- سۇلتان- الماتى جولىن جاڭعىرتۋدى 2023 -جىلى اياقتاۋ تاپسىرماسىن بەردىم. ول بالقاش قالاسىنىڭ الەۋەتىن ايتارلىقتاي ارتتىراتىن بولادى»، - دەدى ق ر پرەزيدەنتى.
بۇعان دەيىن حابارلاعانىمىزداي، بۇگىن قاسىم- جومارت توقايەۆ جۇمىس ساپارىمەن پاۆلودار وبلىسىنىڭ ەكىباستۇز قالاسىنا كەلدى. مەملەكەت باسشىسى جۇمىس ساپارى بارىسىندا مونوقالالاردى دامىتۋ جونىندە كەڭەس وتكىزىپ، پرەزيدەنتتىك جاستار كادر رەزەرۆىنىڭ وكىلدەرىمەن كەزدەسەدى. سونىمەن قاتار قالاداعى يندۋستريالدى كاسىپورىندارعا بارادى دەپ جوسپارلانعان. اۆتور: مارلان جيەمباي
