نۇر-سۇلتان قالاسى ءبىلىم باسقارماسىنىڭ باستىعى قىزمەتىنەن كەتتى
بۇل جايىندا باسقارما باستىعى ءوزىنىڭ Facebook پاراقشاسىندا ءمالىم ەتتى.
«كۇنى كەشە باسقارماداعى قىزمەتىمدى اياقتاعانىمدى ايتقىم كەلەدى. ءبىرىنشى كەزەكتە وسى قىزمەتتى ۇسىنىپ، سەنىم ارتقان، مەملەكەتتىك قىزمەتتە ءوزىمدى سىناپ كورۋگە مۇمكىندىك بەرگەن قالا باسشىسىنا ريزاشىلىعىمدى بىلدىرەمىن. سەگىز ايعا سوزىلعان قىزمەتىمدە ءبىراز اۋىز تولتىرىپ ايتارلىقتاي ىستەر اتقارىلدى... مەكتەپ پەن باسقارما باسقارعان تاجىريبەمىزبەن العا قارا جىلجي بەرەمىز. وسى ارالىقتا مەكتەپتەگى بالالاردىڭ يگىلىگى، ساپالى ءبىلىم مەن وقۋشى مەن وقىتۋشىعا قولايلى جاعداي جاساۋدىڭ ماڭىزى جونىندە ءبىرقاتار سالماقتى وي-يدەيالار كەلدى. سوندىقتان جاڭا جوبا وزىندىك تاجىريبەمدى تاراتۋعا باعىتتالادى. بۇل ورايدا ءار بالانىڭ دامۋ پوتەنسيالىنا ەرەكشە ءمان بەرىلەتىنىن ايتا كەتۋ كەرەك»، - دەپ جازدى سەيسەنباي.
ايتا كەتەيىك، ول بۇل قىزمەتكە اقپان ايىندا عانا تاعايىندالعان بولاتىن. بۇعان دەيىن ول 26 جاسىندا قالاداعى №54-مەكتەپ- ليتسەيدى باسقارىپ، ەلىمىزدەگى ەڭ جاس ديرەكتور اتانعان بولاتىن.
