ەلوردادا كوروناۆيرۋسپەن كۇرەسكە قانشا قاراجات جۇمسالدى؟
بۇل تۋرالى «الەۋمەتتىك مەديتسينالىق ساقتاندىرۋ قورى» ك ە ا ق نۇر-سۇلتان قالالىق فيليالىنىڭ ديرەكتورى نۇرلىبەك قابدىقاپاروۆ ايتتى، دەپ حابارلايدى قازاقپارات ءتىلشىسى.
«وسى جىلى قور امبۋلاتوريالىق-ەمحانالىق دەڭگەيدەگى مەديتسينالىق قىزمەتتەردىڭ قولجەتىمدىلىگىن كەڭەيتىپ، كۇندىزگى ستاتسيونار قىزمەتىن قارجىلاندىرۋ كولەمىن كوبەيتتى. ءبىرشاما قارجى پاندەميا جاعدايىن جانە سيفرلاندىرۋ مۇمكىندىكتەرىن ەسكەرە وتىرىپ، قاشىقتىقتان كورسەتىلەتىن مەديتسينالىق قىزمەتتەردى ودان ءارى ەنگىزۋگە جۇمسالۋدا»، - دەدى ول ونلاين بريفينگ بارىسىندا.
نۇرلىبەك قابدىقاپاروۆتىڭ ايتۋىنشا، نۇر-سۇلتان قالاسى بويىنشا 2021-جىلدىڭ 9 ايىندا كوروناۆيرۋستىق ينفەكسيامەن كۇرەس اياسىنداعى ءىس-شارالاردى قارجىلاندىرۋ 35,38 ميلليارد تەڭگەنى قۇرادى. ونىڭ ىشىندە: مەديتسينا قىزمەتكەرلەرىنە ۇستەمەاقىلار - 17,38 ميلليارد تەڭگە؛ مەديتسينالىق كومەككە جانە ك ۆ ي تارالۋىن بولدىرماۋ جونىندەگى قىزمەتتەرگە - 13,75 ميلليارد تەڭگە جۇمسالدى.
كارانتيندىك جانە ينفەكتسيالىق ستاتسيونارلارعا 42,7 مىڭنان استام ادام ەمدەۋگە جاتقىزىلدى جانە ەمدەلدى. ك ۆ ي تارالۋىن بولدىرماۋ ءۇشىن ستاتسيونار اياسىندا ۇيگە كەپ كورسەتىلەتىن مەديتسينالىق كومەككە 1,88 ميلليون تەڭگە جۇمسالىپ، 60 ادام ەمدەلدى.
پ ت ر دياگنوستيكا قىزمەتىنە 3,41 ميلليارد تەڭگە ءبولىنىپ، 482,1 مىڭ پ ت ر- تەست جاسالدى. موبيلدى بريگادالاردىڭ شىعۋىنا 838,73 ميلليون تەڭگە كەتتى. ولار 145,5 مىڭ شاقىرتۋعا شىقتى.
«ەلوردا تۇرعىندارى كوروناۆيرۋستىق ينفەكسيا جانە پنيەۆمونيا كەزىندە مەديتسينالىق كومەكتى مەديتسينالىق ساقتاندىرۋ جۇيەسىندەگى مارتەبەسىنە قاراماستان تەگىن الادى. كوروناۆيرۋستىق ينفەكسيامەن نەمەسە ورتاشا، اۋىر جانە اسا اۋىر دەڭگەيدەگى پنيەۆمونيامەن اۋىرعان پاتسيەنتتەر مەديتسينالىق ساقتاندىرۋ قورىنىڭ قاراجاتى ەسەبىنەن وڭالتۋدان وتە الادى. ازاماتتار ۇيىندە ەمدەلدى مە، الدە اۋرۋحانادا ەمدەلدى مە، وعان قارامايدى. مەديتسينالىق وڭالتۋعا جولداما رەابيليتولوگ ماماننىڭ قاتىسۋىمەن اۋرۋحانانىڭ نەمەسە ەمحانانىڭ مۋلتيديستسيپلينارلىق كومانداسىنىڭ قورىتىندىسى بويىنشا بەرىلەدى»، - دەدى فيليال ديرەكتورى.
