اسحات ايماعامبەتوۆ: بالاباقشالاردا بالانى دامىتۋدىڭ جاڭا مودەلى ەنگىزىلەدى

نۇر-سۇلتان. قازاقپارات - بارلىق بالاباقشالاردا بالانى دامىتۋدىڭ جاڭا مودەلى ەنگىزىلەدى.

بۇل تۋرالى ۇكىمەت وتىرىسىندا «BILIMDI ŪLT» بارشاعا ارنالعان ساپالى ءبىلىم» ۇلتتىق جوباسىن تانىستىرۋ كەزىندە ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسىنىڭ تاپسىرماسىنا سايكەس، «BILIMDI ŪLT» بارشاعا ارنالعان ساپالى ءبىلىم» ۇلتتىق جوباسى ازىرلەندى. جوبا قوعام وكىلدەرىمەن، ءبىلىم سالاسىنىڭ ساراپشىلارىمەن كەڭىنەن تالقىلاندى، مۇددەلى مەملەكەتتىك ورگاندارمەن پىسىقتالدى. ۇلتتىق جوبا - 2025 -جىلعا دەيىنگى ۇلتتىق دامۋ جوسپارىنداعى، قازاقستان-2050 ستراتەگياسى، مەملەكەت باسشىسىنىڭ جانە Nur Otan پارتياسىنىڭ سايلاۋالدى باعدارلاماسىندا بەلگىلەنگەن نەگىزگى مىندەتتەردى قامتىدى. جالپى ول 4 باعىت، 5 مىندەت، 15 كورسەتكىش جانە 26 ءىس- شارادان تۇرادى»، - دەدى ا. ايماعامبەتوۆ.

ءبىرىنشى مىندەت - بالاباقشالاردىڭ قولجەتىمدىلىگىن جانە ساپاسىن قامتاماسىز ەتۋ. ول ءۇشىن مەكتەپكە دەيىنگى ۇيىمداردىڭ جەلىسى دامىتىلىپ، مەملەكەتتىك تاپسىرىس ۆاۋچەرلىك قارجىلاندىرۋ ارقىلى ورنالاستىلادى. سونىمەن بىرگە، مەملەكەت باسشىسىنىڭ تاپسىرماسى اياسىندا بارلىق بالاباقشادا بالانى دامىتۋدىڭ جاڭا مودەلى ەنگىزىلەدى. بۇل وتە ماڭىزدى.

«سونىڭ ىشىندە بالاباقشالاردىڭ مەملەكەتتىك ءبىلىم بەرۋ ستاندارتى «ويىن ارقىلى وقىتۋ» ءپرينتسيپى بويىنشا وزگەرتىلەدى. وسىعان وراي، بالالاردى ەرتە جاستان دامىتۋ بويىنشا پەداگوگتارعا بىلىكتىلىكتى ارتتىرۋ كۋرستارى ۇيىمداستىرىلىتىن بولادى. ناتيجەسىندە، 2025 -جىلعا قاراي 2-6 جاستاعى بالالاردى قامتۋ %95 عا جەتەدى، ال 3-6 جاستا قامتۋ %100 بولادى»، - دەدى مينيستر.