ەكونوميكا مينيسترلىگى ۇكىمەتتە ءۇش ۇلتتىق جوبانى تانىستىردى

نۇر- سۇلتان. قازاقپارات - بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى اسەت ەرعالييەۆ ءۇش ۇلتتىق جوبانى تانىستىردى، دەپ حابارلايدى قازاقپارات ءتىلشىسى.

«قازاقستان رەسپۋبليكاسى پرەزيدەنتى جانىنداعى رەفورمالار جونىندەگى جوعارى كەڭەستىڭ تاپسىرماسىن ورىنداۋ ماقساتىندا، ۇلتتىق ەكونوميكا مينيسترلىگى مۇددەلى مەملەكەتتىك ورگاندارمەن بىرلەسىپ ءۇش ۇلتتىق جوبانى ازىرلەدى. ولار «قازاقستاندىقتاردىڭ ءال- اۋقاتىن ارتتىرۋعا باعىتتالعان تۇراقتى ەكونوميكالىق ءوسۋ» جانە «كاسىپكەرلىكتى دامىتۋ»، سونىمەن بىرگە «قۋاتتى وڭىرلەر - ەل دامۋىنىڭ درايۆەرى» اتتى ۇلتتىق جوبالار.

اتالعان جوبالار ەلىمىزدىڭ 2025 -جىلعا دەيىنگى دامۋىنىڭ ۇلتتىق جوسپارىن جانە «Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاماسىن ىسكە اسىرۋ بويىنشا جول كارتاسىن ورىنداۋ ماقساتىندا ازىرلەندى» ، - دەدى ءا. ەرعاليەۆ.

ونىڭ ايتۋىنشا، «قازاقستاندىقتاردىڭ ءال- اۋقاتىن ارتتىرۋعا باعىتتالعان تۇراقتى ەكونوميكالىق ءوسۋ» ۇلتتىق جوباسى كەلەسى 5 باعىتتى قامتيدى. ولار يندۋستريالىق- يننوۆاتسيالىق دامۋ، مۇناي- گاز- حيميا، ەنەرگەتيكا كەشەندەرىن، گەولوگيا سالاسىن دامىتۋ، سونداي- اق شيكىزاتتىق ەمەس ەكسپورتتى ارتتىرۋعا قاتىستى. اتالعان باعىتتاردى ىسكە اسىرۋ اياسىندا 6 مىندەت، 13 كورسەتكىش جانە 55 ءىس- شارا كوزدەلگەن.

«ۇلتتىق جوبانى قارجىلاندىرۋدىڭ جالپى كولەمى 15,9 تريلليون تەڭگە، ونىڭ ىشىندە رەسپۋبليكالىق بيۋدجەتتەن 402 ميلليارد تەڭگە قاراستىرىلعان. 15,5 تريلليون تەڭگەگە جەكە ينۆەستيتسيالار تارتۋ كوزدەلىپ وتىر. ۇلتتىق جوبا 2025 -جىلعا قاراي تۇراقتى ەكونوميكالىق ءوسۋدى 5 پايىزدان جوعارى دەڭگەيدە قامتاماسىز ەتۋگە باعىتتالعان. وڭدەۋ ونەركاسىبى كاسىپورىندارىن تەحنولوگيالىق جاڭعىرتۋ بويىنشا شارالار قابىلداناتىن بولادى. ءوندىرىس كولەمىن ۇلعايتۋعا جانە وڭدەۋ ونەركاسىبى تاۋارلارىنىڭ نومەنكلاتۋراسىن كەڭەيتۋگە ىقپال ەتەتىن 418 يندۋستريالىق جوبانى ىسكە قوسۋ جوسپارلانۋدا. ۇلتتىق جوبا اياسىندا 1000 بەلسەندى ەكسپورتتاۋشىنىڭ سىرتقى نارىقتارعا شىعۋى، سونداي- اق 350 جۋىق ەكسپورتتاۋشىنى «Alibaba» جانە «Amazon» سياقتى حالىقارالىق ەلەكتروندىق پلاتفورمالارعا شىعارۋ قامتاماسىز ەتىلەتىن بولادى»، - دەدى مينيستر.

سونىمەن قستار، وڭدەۋ ونەركاسىبىنىڭ جوعارى تەحنولوگيالىق ونىمدەرىن شىعارۋ ماقساتىندا 2025 -جىلعا قاراي 5 مۇناي- گاز- حيميا زاۋىتىن پايدالانۋعا بەرۋ جوسپارلانۋدا. ەنەرگەتيكالىق كەشەندى بەلسەندى جاڭعىرتۋ ارقىلى ەلەكتر ەنەرگياسىن ءوندىرۋدىڭ جالپى كولەمىندەگى جاڭارتىلاتىن ەنەرگيا كوزدەرىنىڭ ۇلەسى%6 عا جەتەدى.

«قابىلدانعان شارالار ناتيجەسىندە وڭدەۋ ونەركاسىبى ونىمدەرىنىڭ ءوندىرىسى 1,5 ەسەگە ارتادى. شيكىزاتتىق ەمەس ەكسپورت 2 ەسەگە ۇلعايىپ، 2025 -جىلى 41 ميلليارد دوللاردى قۇرايدى. شيكىزاتتىق ەمەس سەكتوردىڭ نەگىزگى كاپيتالىنا ينۆەستيتسيالاردى %75 عا ارتتىرۋ جوسپارلانۋدا. ەكونوميكاداعى ەڭبەك ونىمدىلىگى 1,2 ەسەگە وسەدى. ەنەرگەتيكالىق كەشەندى جاڭعىرتۋ ەسەبىنەن 2000 مەگاۆاتت جاڭارتىلاتىن ەنەرگيا كوزدەرىنىڭ قوسىمشا قۋاتتارىن ىسكە قوسۋ جۇزەگە اسىرىلاتىن بولادى. گەولوگيالىق زەرتتەلەتىن ايماقتىڭ كولەمى 2,3 ميلليون شارشى كيللومەترگە دەيىن ۇلعايتۋ جوسپارلانۋدا»، - دەدى ءا. ەرعاليەۆ.