ق ر پرەمەر- ءمينيسترى اسقار مامين «شيەۆرون» باسشىلىعىمەن كەزدەستى
«تەڭىزشيەۆرويل» (ت ش و) بولاشاق كەڭەيتۋ جوباسىن ىسكە اسىرۋ، قاراشىعاناق جوباسىن كەڭەيتۋ جانە كاسپيي قۇبىر كونسورتسيۋمىنىڭ قۋاتىن ارتتىرۋ پەرسپەكتيۆاسى ماسەلەلەرىن تالقىلادى.
زاماناۋي ەكولوگيالىق تازا تەحنولوگيالاردى قولدانۋ، الەۋمەتتىك جوبالاردى ىسكە اسىرۋ، دەنساۋلىق ساقتاۋ جانە ەڭبەك قاۋىپسىزدىگى سالاسىندا جوعارى ستاندارتتاردىڭ ساقتالۋىن قامتاماسىز ەتۋ ماسەلەلەرى قارالدى.
«شيەۆرون» ءۇش ءىرى جوبادا - تەڭىز (%50)، قاراشىعاناق (%18) جانە كاسپي قۇبىر كونسورتسيۋمى (%15) جوبالارىندا اكتيۆتەرى بار قازاقستانداعى اسا ءىرى شەتەلدىك ينۆەستور. 2020 -جىلى ت ش و- دا شيكى مۇناي ءوندىرۋ كولەمى 26,5 ميلليون توننانى قۇرادى. مەملەكەتكە $6,6 ميلليارد كولەمىندە تىكەلەي قارجىلىق تولەمدەر جۇزەگە اسىرىلدى، $3,5 ميلليارد استام سوماعا قازاقستاندىق جەتكىزۋشىلەردىڭ تاۋارلارى مەن قىزمەتتەرى ساتىپ الىندى.
بيىل ت ش و- دا 26,3 ميلليون توننا كولەمىندە مۇناي ءوندىرۋ جوسپارلانۋدا. 2021 -جىلدىڭ 8 ايىندا مەملەكەتكە تولەمدەر $4,9 ميلليارد قۇرادى. بولاشاق كەڭەيتۋ جوباسىنىڭ اياقتالۋى 2023 -جىلدىڭ سوڭىندا ءوندىرۋ كولەمىن جىلىنا 12 ميلليون تونناعا ارتتىرۋعا مۇمكىندىك بەرەدى. ت ش و گازى اتىراۋ وبلىسىندا پوليپروپيلەن (قۋاتى جىلىنا 500 مىڭ توننا) جانە پوليەتيلەن (جىلىنا 1,25 ميلليون توننا) وندىرەتىن ەكى ءىرى گاز- حيميا جوباسى ءۇشىن شيكىزات بولىپ وتىر.
كەلىسسوز قورىتىندىسى بويىنشا ق ر ەنەرگەتيكا مينيسترلىگى مەن «شيەۆرون» كومپانياسى اراسىندا قازاقستاندا $248,5 ميلليون كولەمىندە تىكەلەي ينۆەستيتسيالار قورىن قۇرۋ بويىنشا ءوزارا تۇسىنىستىك تۋرالى مەموراندۋمعا قول قويىلدى. مەموراندۋم قازاقستاننىڭ مۇناي- گاز سالاسىنداعى، قورشاعان ورتانى قورعاۋ، سونداي- اق اقپاراتتىق جانە سيفرلىق تەحنولوگيالار سالاسىنداعى تاۋار ءوندىرۋ، جۇمىستاردى ورىنداۋ جانە قىزمەتتەردى ۇسىنۋ جونىندەگى كوممەرتسيالىق كاسىپورىندارعا ينۆەستيتسيا سالۋ جولىمەن ەكونوميكانى جانە جەرگىلىكتى قامتۋدى دامىتۋ ءۇشىن قور قۇرۋدى كوزدەيدى.
قور كاپيتالىن «شيەۆرون» - نىڭ قازاقستاندا العان پايداسىنىڭ ءبىر بولىگى قۇرايدى. كەزدەسۋگە ەنەرگەتيكا ءمينيسترى ماعزۇم مىرزاعاليەۆ جانە «قازمۇنايگاز» ۇ ك» ا ق باسقارما ءتوراعاسى اليك ايداربايەۆ قاتىستى.
