ۆاكسينا الماعاندار جۇمىسقا جىبەرىلمەيدى - مينيستر بۇيرىعى شىقتى

نۇر-سۇلتان. قازاقپارات - ق ر دەنساۋلىق ساقتاۋ ءمينيسترى مىندەتتى ۆاكسيناتسيانىڭ جۇمىسقا جىبەرۋ شارتى رەتىندە بەكىتتى، دەپ حابارلايدى قازاقپارات ءتىلشىسى.

«ءجىتى رەسپيراتورلىق ۆيرۋستىق ينفەكسيالار، تۇماۋ جانە ولاردىڭ اسقىنۋى (پنيەۆمونيا)، مەنينگوكوكك ينفەكسياسى، COVID-19 كوروناۆيرۋستىق ينفەكسياسى، جەلشەشەك جانە سكارلاتينا كەزىندە سانيتاريالىق- ەپيدەمياعا قارسى، سانيتاريالىق- پروفيلاكتيكالىق ءىس-شارالاردى ۇيىمداستىرۋعا جانە جۇرگىزۋگە قويىلاتىن سانيتاريالىق- ەپيدەميولوگيالىق تالاپتارعا» تولىقتىرۋلار ەنگىزۋ تۋرالى بۇيرىققا قول قويدى.

قۇجات 17-قازاننان باستاپ كۇشىنە ەنەدى.

«بۇيرىق بويىنشا كوروناۆيرۋس ينفەكسياسىنىڭ تارالۋىنا جول بەرمەۋ ءۇشىن كۇندىزگى رەجيمدەگى جۇمىسقا تەك COVID-19-عا قارسى ۆاكسينا العان قىزمەتكەرلەر جىبەرىلەتىنى ايتىلعان. ال ۆاكسينا الماعاندار پ ت ر تەستىلەۋدىڭ تەرىس قورىتىندىسى نەمەسە تۇراقتى مەديتسينالىق قارسى كورسەتىلىم تۋرالى، كوروناۆيۋرسپەن اۋىرىپ جازىلعانىنا 3 اي تولماعانى تۋرالى مەديتسينالىق انىقتاما بولعان جاعدايدا عانا جۇمىسقا جىبەرىلمەك.

اۆتور: ەسىمجان ناقتىباي