ق ر پرەزيدەنت ا ق ش- تىڭ قازاقستانداعى ەلشىسى ۋيليام موزەردى قابىلدادى
قازاقپارات بۇل تۋرالى اقورداعا سىلتەمە جاساپ حابارلايدى.
قاسىم- جومارت توقايەۆ قازاقستان مەن قۇراما شتاتتار اراسىنداعى ستراتەگيالىق سەرىكتەستىكتى كەڭەيتۋگە قوسقان ۇلەسى ءۇشىن امەريكالىق ديپلوماتقا العىس ايتتى.
- ا ق ش- تىڭ ەلشىسى رەتىندە اتقارعان قاجىرلى ەڭبەگىڭىزگە ريزاشىلىعىمدى بىلدىرەمىن. قۇراما شتاتتار - قازاقستاننىڭ تاۋەلسىزدىگىن العاش بوپ مويىنداعان ەلدەردىڭ ءبىرى. ءبىز مۇنى ەشقاشان ۇمىتپايمىز، - دەدى پرەزيدەنت.
مەملەكەت باسشىسى دوستاس ەكى ەل حالىقتارىنىڭ يگىلىگى جولىندا قازاقستاننىڭ ا ق ش- پەن اراداعى كونسترۋكتيۆتى ىنتىماقتاستىعىن كەڭەيتۋگە بەيىلدى ەكەنىن ناقتىلادى.
ۋيليام موزەر قاسىم- جومارت توقايەۆقا قولداۋ كورسەتكەنى ءۇشىن العىس ايتىپ، ەلىمىزدە جۇرگىزىلىپ جاتقان ساياسي جانە ەكونوميكالىق رەفورمالاردى جوعارى باعالادى. سونىمەن قاتار امەريكالىق ديپلومات ۆاشينگتوننىڭ ورتالىق ازياداعى تۇراقتىلىق پەن قاۋىپسىزدىكتى قامتاماسىز ەتۋگە نيەتتى ەكەنىن جەتكىزدى.
كەزدەسۋ بارىسىندا ەكىجاقتى ىنتىماقتاستىققا جانە ايماقتىق كۇن تارتىبىنە، سونىڭ ىشىندە اۋعانستانداعى جاعدايعا قاتىستى وزەكتى ماسەلەلەر تالقىلاندى. اڭگىمەلەسۋ سوڭىندا قاسىم- جومارت توقايەۆ ۋيليام موزەرگە العىس حات پەن ارناۋلى توسبەلگى تابىس ەتىپ، الداعى ديپلوماتيالىق قىزمەتىنە جەتىستىك تىلەدى.
