اسقار مامين ماڭعىستاۋ وبلىسىندا ەڭبەك تەڭسىزدىگىنە جول بەرمەۋدى تاپسىردى

«20215-2025 -جىلدارعان ارنالعان كەشەندى جوسپار بويىنشا اتالعان كەزەڭدە ءوڭىر ەكونوميكاسى 32 پايىز وسەدى. جالپى تاياۋداعى جىلدارى مۇناي- گاز سەكتورىن، وڭدەۋ ونەركاسىبىن، ءتۋريمزدى، كولىك پەن لوگيستيكانى جانە باسقا سالالاردى دامىتۋ نەگىزگى مىندەتكە اينالماق. الەۋمەتتىك، ينجەنەرلىك جانە كوممۋنالدىق ينفراقۇرىلىمدى دامىتۋ جوبالارى ىسكە اسىرىلادى. قابىلدانعا شارالار ەسەبىنەن ءوڭىر تۇرعىندارى 100 پايىز ساپالى اۋىزسۋمەن قامتاماسىز ەتىلەدى»، - دەدى ۇكىمەت باسشىسى بۇگىنگى وتىرىستا.

ونىڭ ايتۋىنشا، كەشەندى جوسپاردى ىسكە اسىرۋ 2025 -جىلعا قاراي 60 مىڭعا جۋىق جاڭا جۇمىس ورنىن قۇرۋعا، ونەركاسىپ كولەمىن %27 وسىرۋگە، حالىقتىڭ ناقتى تابىسىن %40 ۇلعايتۋعا، ياعني حالىقتىڭ تۇرمىس ساپاسى مەن ءال- اۋقاتىن شىن مانىندە جاقسارتۋعا مۇمكىندىك بەرەدى.

«ەڭبەك مينيسترلىگى اكىمدىكتەرمەن بىرگە جاڭا جۇمىس ورىندارىن ءقوۇرۋ ماسەلەلەرىن، ەڭبەك قاتىناستارى ماسەلەلەرىن شەشۋدى ەرەكشە باقىلاۋعا السىن. كاسىپورىنداردا ەڭبەكاقى تولەۋ مەن ەڭبەك جاعدايلارىندا تەڭسىزدىككە جول بەرمەسىن. وسىعان بايلانىستى كەشەندى جوسپاردى ساپالى ىسكە اسىرۋ ءۇشىن بارلىق كۇش- جىگەرىمىزدى جۇمساۋىمىز قاجەت. وسى كەشەندى جوسپاردىڭ جوباسىن ماقۇلدايمىز. ۇلتتىق ەكونوميكا مينيسترلىگى مەن ماڭعىستاۋ وبلىسىنىڭ اكىمدىگى مۇددەلى مەملەكەتتىك ورگاندارمەن بىرگە جوسپاردىڭ ءىس- شارالارىنىڭ ۋاقتىلى ورىندالۋىن قامتاماسىز ەتسىن»، - دەدى اسقار مامين.