قازاقستاندا جاڭا جىل كەشتەرىن وتكىزۋگە رۇقسات بار ما؟
«ءدال قازىر ايماقتىڭ ەپيدەميولوگيالىق مارتەبەسىنە قاراي شەكتەۋلەر بار. ءبىز بۇگىندە ءتۇرلى شارالاردى اشۋعا رۇقسات بەردىك. ول ءۇشىن ازاماتتاردىڭ «جاسىل» مارتەبەسى بولۋى كەرەك. شارا وتەتىن مەكەمەلەردىڭ ۇجىمىن دا، شاراعا قاتىسۋشى ازاماتتاردى دا قورعاۋ ءۇشىن وسىنداي شارت قويىلىپ وتىر. ءبىزدىڭ مىندەتىمىز - الەۋمەتتىك بايلانىستاردى دا، ەكونوميكانى دا كەزەڭ-كەزەڭمەن اشۋ جانە كەڭەيتۋ. سوندىقتان، Ashyq جۇيەسى ارقىلى جولعا قويىلعان تەتىك بار. وسى بويىنشا بىرتىندەپ شەكتەۋ شارالارىن جەڭىلدەتە بەرۋدى جوسپارلاپ وتىرمىز»، - دەگەن مينيستر جاڭا جىل قارساڭىنداعى كورپوراتيۆتىك كەشتەردى وتكىزۋگە تەوريالىق تۇرعىدا مۇمكىندىك بار ەكەنىن اتادى.
«تەوريالىق تۇرعىدا بۇل - مۇمكىن. قازىر 50 ادامعا دەيىن قوعامدىق جيىندار مەن شارالار وتكىزۋگە رۇقسات بەرىلىپ وتىر. ياعني، قازىردىڭ وزىندە ول مۇمكىن»، - دەپ جاۋاپ بەردى ول جۋرناليست ساۋالىنا.
ايتا كەتەيىك، دەنساۋلىق ساقتاۋ ءمينيسترى Azattyq Rhy پورتالىنا بەرگەن سۇحباتىندا الەمدە قازىر بالالارعا كوروناۆيرۋسقا قارسى ۆاكتسينانى 5 جاستان باستاپ سالۋ ماسەلەسى پىسىقتالىپ جاتقانىن ءمالىم ەتتى.
ونىڭ ايتۋىنشا، ەكپەدەن كەيىنگى قايعىلى جايتتاردىڭ سەبەبى - سايكەستىك.
