ەلورداداعى «استىقجان» ساۋدا ورتالىعى ورتەنىپ جاتىر

نۇر-سۇلتان. قازاقپارات - ەلورداداعى «استىقجان» ساۋدا ورتالىعىنىڭ جيھاز سالونىنان ءورت شىقتى، دەپ حابارلايدى قازاقپارات ءتىلشىسى.

بۇل تۋرالى نۇر-سۇلتان قالاسى توتەنشە جاعدايلار دەپارتامەنتىنىڭ باسپا ءسوز قىزمەتى مالىمەت تاراتتى. الدىن الا اقپارات بويىنشا بۇگىن ساعات 09:42-دە نۇر-سۇلتان قالاسى توتەنشە جاعدايلار دەپارتامەنتىنىڭ ءورت ءسوندىرۋ بولىمشەلەرى ءال-فارابي داڭعىلى، 28-مەكەن-جايى بويىنشا ءورت تۋرالى كەلىپ تۇسكەن حابارلاماعا شۇعىل اتتانعان.

«ءورت سوندىرۋشىلەر شاقىرۋ ورنىنا 6 مينۋتتىڭ ىشىندە كەلدى. ولار جەتكەندە «استىقجان» ساۋدا ورتالىعىنىڭ 3-قاباتىنداعى جيھاز سالونى جانىپ جاتقان. الدىن الا اقپارات بويىنشا زارداپ شەككەندەر مەن قازا تاپقاندار جوق. قازىر ەلوردالىق 76 ءورت ءسوندىرۋشى مەن 19 بىرلىك تەحنيكا جۇمىلدىرىلدى. ءورت ءسوندىرۋ ورنىندا ءورت ءسوندىرۋ شتابى ۇيىمداستىرىلدى»، - دەپ جازىلعان دەپارتامەنتتىڭ دەرەگىندە.

اۆتور: ەسىمجان ناقتىباي