قازاقستاندا حالىق ساناعىنىڭ ەكىنشى كەزەڭى باستالدى
دەپ حابارلايدى قازاقپارات قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنىڭ سايتىنا سىلتەمە جاساپ.
ۇيلەردى ارالاۋ 30 - قازانعا دەيىن جالعاسادى. وعان 22 مىڭنان استام ادام تارتىلعان. سۇحبات الۋشىلاردىڭ مىندەتتەرىنە ەلدىڭ قالالارى مەن اۋىلدارىنداعى ءۇي شارۋالارىنا جاپپاي ساۋالناما جۇرگىزۋ كىرەتىن بولادى. سونداي- اق، 15- قازانعا دەيىن ونلاين ساناق ءۇشىن بارلىق سەرۆيستەر قولجەتىمدى بولماق.
ساناق تۋرالى، ونىڭ ىشىندە سۇحبات الۋشى كيىمىنىڭ ەرەكشە ەلەمەنتتەرى تۋرالى تولىق اقپاراتتى Sanaq.gov.kz رەسمي سايتىنان، سونداي- اق 1446 ءنومىرى بويىنشا الۋعا بولادى.
ساناق ناتيجەلەرى ءۇي شارۋالارىنىڭ جاعدايىن، نەكە- وتباسى قاتىناستارىن جاقسارتۋ، مۇمكىندىگى شەكتەۋلى ادامداردىڭ ءومىرىن، حالىقتىڭ تۇرعىن ءۇي جاعدايلارىن جاقسارتۋ جونىندەگى مەملەكەتتىك باعدارلامالاردى ازىرلەۋ، سونداي- اق ءبىلىم بەرۋ، جۇمىسپەن قامتۋ، تۋۋ جانە كوشى- قون ماسەلەلەرى بويىنشا شەشىمدەر قابىلداۋ ءۇشىن قاجەت. بۇعان دەيىن قازاقستاندا 6 ميلليوننان استام ادام ونلاين ساناقتان وتكەنى تۋرالى حابارلانعان بولاتىن.
اۆتور: اقبوپە ءابدراسۋل
