قاسىم- جومارت توقايەۆ ۆونگ حەانگ فايندى قابىلدادى
مەملەكەت باسشىسىنىڭ سينگاپۋرلىق Surbana Jurong كومپانياسىنىڭ باس ديرەكتورى ۆونگ حەانگ فاينمەن كەزدەسۋىندە الماتى اگلومەراتسياسىن دامىتۋعا قاتىستى ينۆەستيتسيالىق جوبالاردى جۇزەگە اسىرۋدىڭ پەرسپەكتيۆالارى تالقىلاندى.
پرەزيدەنتكە كومپانيانىڭ الماتى وبلىسىنداعى «G4 City» دەپ اتالاتىن جاڭا ءتورت قالانىڭ قۇرىلىسىن وتاندىق ينۆەستورلارمەن سەرىكتەسە وتىرىپ جۇرگىزۋ جونىندەگى جوسپارى تانىستىرىلدى. قازىرگى ۋاقىتتا «G4 City» قۇرىلىسىنىڭ جوباسىن ىسكە اسىرۋ جونىندەگى جول كارتاسى مەن ماستەر- جوسپار ازىرلەنگەن.
بۇل جول كارتاسى قالا قۇرىلىسىنىڭ قۇجاتتارىن دايىنداۋ، ينجەنەرلىك جانە الەۋمەتتىك ينفراقۇرىلىم، قولايلى ينۆەستيتسيالىق كليمات قالىپتاستىرۋ ماسەلەلەرىن قامتيدى. قاسىم- جومارت توقايەۆ سينگاپۋرمەن ينۆەستيتسيالىق ىنتىماقتاستىقتى نىعايتۋدىڭ ستراتەگيالىق ماڭىزىنا توقتالىپ، اتالعان جوبا بويىنشا شەتەلدىك سەرىكتەستەرگە مەملەكەت تاراپىنان قولداۋ كورسەتىلەتىنى تۋرالى ايتتى.
