ءبىز قانداستارىمىزدى ەلگە قايتارۋ ماسەلەسىن قاراستىرىپ جاتىرمىز - توقايەۆ
- اۋعانستانداعى شيەلەنىسكەن ماسەلەلەردى رەتتەۋ ءۇشىن قازاقستان شەتەلدىك سەرىكتەستەرىمەن تىزە قوسىپ جۇمىس ىستەپ كەلەدى. ءبىز، ەڭ الدىمەن، سول جەردەگى وتانداستارىمىزدى ۇيىمداسقان تۇردە ەۆاكۋاتسيالاۋدى قامتاماسىز ەتتىك. ەندى ءبىز اۋعانستانداعى قازاق دياسپوراسىنىڭ مۇشەلەرىن، ياعني قانداستارىمىزدى ەلگە قايتارۋ ماسەلەسىن قاراستىرىپ جاتىرمىز. گۋمانيتارلىق ۇستانىمدارعا سايكەس، اۋعانستاندىق 57 ستۋدەنتتىڭ ءبىلىم بەرۋ ۆيزالارىن ۇزارتتىق. سونىمەن قاتار بورتىندا شەتەل ازاماتتارى بار ۇشاقتارعا جانارماي قۇيۋ ءۇشىن ترانزيتتىك اۋە دالىزدەرى مەن قونۋ الاڭدارىن ۇسىندىق. ب ۇ ۇ- نىڭ اۋعانستان جونىندەگى اگەنتتىكتەرىنىڭ قاشىقتاعى ۋاقىتشا كەڭسەسى الماتى قالاسىنا ورنالاستىرىلدى، - دەدى مەملەكەت باسشىسى.
ەسكە سالا كەتەيىك، بۇگىن اقوردا رەزيدەنتسياسىندا ون مەملەكەتتىڭ جاڭادان تاعايىندالعان توتەنشە جانە وكىلەتتى ەلشىلەرىنىڭ قازاقستان پرەزيدەنتىنە سەنىم گراموتاسىن تاپسىرۋ ءراسىمى ءوتتى.
