وزبەكستان پرەزيدەنتى جامبىل وبلىسىنداعى قايعىلى وقيعاعا بايلانىستى كوڭىل ايتتى

نۇر- سۇلتان. قازاقپارات - وزبەك تاراپىنىڭ باستاماسىمەن مەملەكەت باسشىسى قاسىم- جومارت توقايەۆ وزبەكستان پرەزيدەنتى شاۆكات ميرزيەۆپەن تەلەفون ارقىلى سويلەستى، دەپ حابارلايدى قازاقپارات اقورداعا سىلتەمە جاساپ.

وزبەكستان باسشىسى جامبىل وبلىسىندا بولعان قايعىلى دا توتەنشە وقيعاعا بايلانىستى قازاقستان پرەزيدەنتى مەن حالقىنا كوڭىل ايتتى. شاۆكات ميرزيەۆ قايتىس بولعان ازاماتتاردىڭ وتباسىلارىنا قولداۋى مەن جۇباتۋ سوزدەرىن جەتكىزۋدى سۇراپ، زارداپ شەككەندەردىڭ ساۋىعىپ كەتۋىنە تىلەكتەستىك ءبىلدىردى. اڭگىمەلەسۋ بارىسىندا تاراپتار اۋعانستانداعى قازىرگى جاعدايعا قاتىستى پىكىر الماستى. مەملەكەتتەر باسشىلارى ەكىجاقتى جانە كوپجاقتى دەڭگەيدە تىعىز بايلانىستاردى نىعايتۋ باعىتىنداعى جۇمىستاردى جالعاستىرا بەرۋگە مۇددەلى ەكەندەرىن ناقتىلادى.