«دومبىرا ۇيرەنۋ» بۇل - بولەك ءپان ەمەس - ۇلتتىق ءبىلىم اكادەمياسى

نۇر- سۇلتان. قازاقپارات - «دومبىرا ۇيرەنۋ» بۇل - بولەك ءپان ەمەس، 1-6 سىنىپتارعا وقىتىلاتىن «مۋزىكا» ءپانىنىڭ مازمۇنى، دەپ حابارلايدى قازاقپارات ى. التىنسارين اتىنداعى ۇلتتىق ءبىلىم اكادەمياسىنا سىلتەيە جاساپ.

«ەلوردادا پەداگوگتەردىڭ تامىز كەڭەسىندە ادىستەمەلىك نۇسقاۋ حاتتى ءتۇسىندىرۋ كەزىندە مەكتەپتىڭ «مۋزىكا» ءپانى اياسىندا دومبىرا تارتۋ كۋرسى بويىنشا باعدارلاما تاڭداۋ مۇمكىندىگى تۋرالى ماسەلە كوتەرىلدى. كەيبىر ب ا ق وزدەرىنىڭ اقپاراتتىق ماتەريالدارىندا مەكتەپتە «دومبىرا تارتۋدى ۇيرەنۋ» اتتى جاڭا ءپاننىڭ ەنگىزىلەتىنىن ايتقان. شىن مانىسىندە، بۇل - بولەك ءپان ەمەس، 1-6 سىنىپتارعا وقىتىلاتىن «مۋزىكا» ءپانىنىڭ مازمۇنى»، دەلىنگەن حابارلامادا.

ياعني، ەگەر قاجەتتى رەسۋرستار بار بولسا، وسى سىنىپ وقۋشىلارى «مۋزىكا» ءپانىنىڭ مازمۇنىنان ەكى نۇسقانىڭ ءبىرىن تاڭداي الادى: بۇرىنعى باعدارلامامەن نەمەسە دومبىرا تارتۋدى ۇيرەنۋ كۋرسى بويىنشا وقۋ.