اۋعانستان اۋماعىندا قازاقستان ازاماتتارى جوق - س ءى م
«قازىر اۋعانستان اۋماعىندا قازاقستان ازاماتتارى جوق. ءبىز بىلەتىن قازاقستاندىقتاردىڭ بارلىعى وسى ەلدىڭ اۋماعىنان كەتىپ قالعان. ديپلوماتتار ءوز قىزمەتىن جالعاستىرۋدا، ءبىز ولاردى ەۆاكۋاتسيالاۋدى جوسپارلامايمىز»، - دەپ اتاپ وتەدى مينيسترلىكتەن.
ەستەرىڭىزگە سالا كەتسەك، مەملەكەت باسشىسى قاسىم- جومارت توقايەۆ پرەزيدەنت اكىمشىلىگى مەن سىرتقى ىستەر مينيسترلىگىنە اۋعانستانعا قاتىستى ماسەلەلەر بويىنشا مەملەكەتتىك ورگانداردىڭ قىزمەتىن ۇيلەستىرۋ تاپسىرعان بولاتىن.
«پرەزيدەنت اكىمشىلىگى مەن سىرتقى ىستەر مينيسترلىگىنە اۋعانستانعا قاتىستى ماسەلەلەر بويىنشا مەملەكەتتىك ورگانداردىڭ قىزمەتىن ۇيلەستىرۋ تاپسىرىلدى. كابۋلداعى قازاقستان ەلشىلىگى شاعىن قۇرامدا جۇمىس ىستەۋدە. قىزمەتكەرلەردىڭ قاۋىپسىزدىگىن قامتاماسىز ەتۋ شارالارى قابىلدانىپ جاتىر»، - دەپ جازعان ەدى ق ر پرەزيدەنتى Twitter- دەگى پاراقشاسىندا.
