پرەزيدەنت سپورت سالاسىنا ارنالعان ۇلكەن كەڭەس وتكىزبەكشى
«مەملەكەت باسشىسى وليمپياداعا قاتىستى ءوز پىكىرىن ءبىلدىردى. وليمپيادا كومانداسىنىڭ ناتيجەسى ەلىمىزدىڭ سپورتتىق الەۋەتىنە سايكەس كەلمەيدى. مەنىڭ ويىمشا، بۇل پىكىرمەن ءبارى كەلىسەدى»، - دەدى ول سۇحبات بارىسىندا.
ونىڭ ايتۋىنا قاراعاندا، مۇنداي جاعدايدا بىرەۋدى جۇمىستان شىعارىپ، قالىپتاسقان جۇيەنى قايتا قۇرۋ ارقىلى ەلدىڭ كوڭىلىن تىنىشتاندىرۋعا بولادى. ءبىراق ول جۇيەلى كەمشىلىكتەردى شەشپەۋى مۇمكىن.
«قازىر الدىمىزدا تۇرعان مىندەت باسقا - قاتەلىكتەرمەن جۇمىس ىستەپ، وسى سالاداعى بارلىق پروتسەستەردى تالداۋ كەرەك. ايتپاقشى، پرەزيدەنت نەگىزگى باعداردى نۇسقادى. بۇل - بۇقارالىق جانە بالالار سپورتىن دامىتۋ. وسى باعىتقا ءتۇسۋىمىز كەرەك. ياعني، ەڭ باستىسى - اۋىلداردا قالاداعىداي سپورتتىق ينفراقۇرىلىم قالىپتاستىرىپ، مۇمكىندىگىنشە بالالاردى تەگىن سپورت سەكتسيالارىنا كوبىرەك تارتۋ. ارينە، بىلىكتى جاتتىقتىرۋشىلار مەن نۇسقاۋشىلاردى دايارلاۋ قاجەت»، - پرەزيدەنت اكىمشىلىگى باسشىسىنىڭ ءبىرىنشى ورىنباسارى.
سونداي- اق، ول ولمپيادا قورىتىندىسى بويىنشا ۇلكەن تالداۋ جاسالىپ، ريەۆيزيالىق جۇمىس جۇرگىزىلەتىنىن اتادى.
«ريەۆيزيالىق جۇمىستاردىڭ بارىسى قاسىم- جومارت كەمەل ۇلىنىڭ تىكەلەي باقىلاۋىندا بولادى. ءالقيسسا بولسىن، پرەزيدەنت كۇزدە سپورت بويىنشا ۇلكەن كەڭەس وتكىزۋدى جوسپارلاپ وتىرعانىن ايتايىن. ارينە، سپورت سالاسىنداعى بارلىق جاڭالىقتار تۋرالى جۇرتشىلىققا ءوز كەزىندە حابارلانادى»، - دەدى داۋرەن ابايەۆ.
اۆتور: ەسىمجان ناقتىباي
