قورعانىس مينيسترلىگىندە قازاقستان مەن پاكىستاننىڭ اسكەري ىنتىماقتاستىق ماسەلەلەرى تالقىلاندى
قورعانىس ۆەدومستۆوسىندا گەنەرال ناديم رازانى قازاقستان رەسپۋبليكاسىنىڭ قورعانىس ءمينيسترى گەنەرال- لەيتەنانت نۇرلان ەرمەكبايەۆ قابىلدادى.
كەڭەيتىلگەن قۇرامدا گەنەرال ناديم رازامەن قورعانىس ءمينيسترىنىڭ ءبىرىنشى ورىنباسارى - باس شتاب باستىعى گەنەرال- لەيتەنانت مۇرات بەكتانوۆ تا كەزدەستى. كەزدەسۋ بارىسىندا قازاقستان مەن پاكىستان اراسىنداعى اسكەري ىنتىماقتاستىقتىڭ وزەكتى ماسەلەلەرى تالقىلاندى. اتاپ ايتقاندا، جاۋىنگەرلىك دايارلىق، اسكەري ءبىلىم بەرۋ جانە كادرلار دايارلاۋ، ب ۇ ۇ ميسسيالارىندا بىتىمگەرشىلىك كونتينگەنتىن بىرلەسىپ ورىستەتۋ سالاسىنداعى ءوزارا ءىس- قيمىل ماسەلەلەرى قوزعالدى.
جۇمىس ساپارى شەڭبەرىندە گەنەرال ناديم رازانىڭ قازاقستان رەسپۋبليكاسىنىڭ تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىنە بارۋى جوسپارلانىپ وتىر.
