مينيستر كوروناۆيرۋسقا شالدىققانداردىڭ قانشا پايىزى ۆاكسينا الماعاندار ەكەنىن ايتتى
بۇل تۋرالى بۇگىن ۇكىمەت وتىرىسىندا ق ر دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.
«بۇگىندە 5,9 ميلليون ادام 1 كومپونەنتپەن ەگىلدى. بۇل ەكپە الۋعا ءتيىستى حالىقتىڭ 59 پايىزىن قۇرايدى. 2 كومپونەنتتى ەكپە الۋعا قاجەتتى حالىقتىڭ 45,2 پايىزى شامامەن 4,5 ميلليون ادام الدى. ۆاكسيناتسيانىڭ 1-دوزاسىمەن ەڭ تومەنگى قامتۋ پروتسەنتى ماڭعىستاۋ وبلىسىندا بايقالادى. وڭىرلەر ۆاكسينانىڭ جەتكىلىكتى كولەمىمەن قامتاماسىز ەتىلگەن. ۆاكسينانى جەتكىزۋ كەستەگە سايكەس جۇرگىزىلىپ جاتىر. ۆاكسيناتسيانىڭ تيىمدىلىگىن باعالاۋ بارىسىندا اۋرۋدىڭ 99,9 پايىزى ۆاكسينا الماعاندارعا تيەسىلى ەكەندىگى انىقتالدى. بۇل رەتتە ۆاكسيناتسيادان كەيىن اۋىرعانداردىڭ ۇلەسى نە ءبارى 0,1 پايىزدى قۇرايدى»، - دەدى الەكسەي سوي.
ءمينيستردىڭ دەرەگىنشە، ەكپە الماعاندار اراسىندا COVID-19-دان ءولىم-ءجىتىم ۇلەسى 97,7 پايىزدى قۇرايدى. ال ۆاكسيناتسيا العاندار اراسىندا قايتىس بولعاندار 2,3 پايىزدى قۇراپ وتىر. بۇل رەتتە ولاردىڭ اۋىر سوزىلمالى اۋرۋلارى بولعان.
«بۇل فاكتى COVID-تىڭ اۋىر سالدارىنىڭ الدىن الۋداعى ۆاكسيناتسيانىڭ تيىمدىلىگىن تاعى ءبىر مارتە دالەلدەيدى»، - دەدى ول.
