د د س ۇ باسشىسى ادامزات ءۇشىن «ناقتى قاۋىپ» باستالعانىن ەسكەرتتى
بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس گەبرەيەسۋس مالىمدەدى ريا نوۆوستي.
«ۆاكسينالاردىڭ قىسقا مەرزىمدە دايىندالۋى ارقاسىندا ءبىز ايتارلىقتاي العا جىلجىدىق. ءبىراق، قازىر الەم ناقتى قاۋىپكە دۋشار بولدى. ءبىز بۇرىن قول جەتكىزگەن كوپ جەتىستىك جويىلىپ جاتىر»، - دەدى تەدروس گەبرەيەسۋس. ونىڭ ءسوزى ۇيىمنىڭ سايتىندا جاريالانعان.
د د س ۇ باسشىسىنىڭ ايتۋىنشا، COVID-19 جاعدايىنىڭ كوبەيۋىنە ادامداردىڭ الەۋمەتتىك بايلانىستارعا قويىلاتىن شەكتەۋلەردى توقتاتۋى، دەنساۋلىق ساقتاۋ جۇيەلەرىنىڭ بىركەلكى جۇمىس ىستەمەۋى جانە ۆاكسيناتسيا جىلدامدىعىنىڭ بىركەلكى ەمەستىگى سەبەپ.
ءبىر كۇن بۇرىن گەبرەيەسۋس قىركۇيەكتىڭ سوڭىنا دەيىن قايتا ۆاكسيناتسياعا ۋاقىتشا موراتوري ەنگىزۋگە شاقىردى.
د د س ۇ- نىڭ باعالاۋى بويىنشا، الەمدە COVID-19-عا قارسى ۆاكسيناعا جاھاندىق تەڭسىزدىك ساقتالعان. كەدەي ەلدەردە ۆاكسينا شىعاراتىن باي ەلدەرگە قاراعاندا الدەقايدا از ادام ۆاكسينا العان نەمەسە ءبىر دوزانى عانا العان.
