پرەزيدەنت ۆاكسيناناتسيا پاسپورتىن قولدان جاساعانداردى قاتاڭ جازالاۋدى تاپسىردى
نۇر- سۇلتان. قازاقپارات - يممۋنداۋ پروتسەسىن جالعان پاسپورتتار تەجەپ وتىر. پرەزيدەنت قاسىم- جومارت توقايەۆ ەلدەگى سانيتارلىق- ەپيدەميولوگيالىق احۋال جونىندەگى جۇمىس كەڭەسىندە وسىلاي ءمالىم ەتتى، دەپ حابارلايدى قازاقپارات ءتىلشىسى.
«يممۋنداۋ پروتسەسىن تەجەيتىن تاعى ءبىر وزەكتى ماسەلە - جالعان ۆاكسيناتسيا پاسپورتى. بۇل جاعىمسىز قۇبىلىستىڭ تارالۋىمەن بايلانىستى كەز كەلگەن ارەكەتتى تەز ارادا توقتاتۋ ماڭىزدى. جۇمىس باستالدى، ونى جالعاستىرۋ كەرەك»، - دەگەن پرەزيدەنت ىشكى ىستەر مينيسترلىگى جانىنان قوعام وكىلدەرى مەن حالىقتان اقپارات الىپ، وڭدەيتىن ۆەدومستۆوارالىق ارنايى توپ قۇرۋدى تاپسىردى.
«ۆاكسيناتسيا ءتولقۇجاتتارىن قولدان جاساۋعا جول بەرگەن ادامدارعا قاتاڭ جازا قولدانۋدى تاپسىرامىن. مەن بۇل ماسەلەنى كەڭەيتىلگەن وتىرىستا كوتەردىم. اڭگىمە ەلدىڭ ۇلتتىق قاۋىپسىزدىگى تۋرالى بولىپ وتىر»، - دەدى قاسىم- جومارت توقايەۆ.
ەسكە سالساق، پرەزيدەنت قاسىم- جومارت توقايەۆ ەلىمىزدەگى سانيتارلىق- ەپيدەميولوگيالىق احۋال جونىندە جۇمىس كەڭەسىن وتكىزىپ جاتىر.
اۆتور: ەسىمجان ناقتىباي
