پرەزيدەنت: ادام ءومىرىن ساقتاۋدىڭ ءبىر عانا جولى - جاپپاي ۆاكسيناتسيا

«ءبىزدىڭ ەڭ وزەكتى ماقساتىمىز - ۆيرۋستىڭ تارالۋىن توقتاتۋ ەمەس. الەمدىك تاجىريبە مۇنىڭ مۇمكىن ەمەس ەكەنىن كورسەتىپ وتىر. ەڭ باستىسى - اسا اۋىر ناۋقاستاردىڭ كوبەيۋىن بولدىرماۋ، ادام ءومىرىن ساقتاۋ. سوندىقتان، ونىڭ ءبىر عانا جولى بار. بۇل - جاپپاي ۆاكسيناتسيا، ەكپە سالۋ»، - دەيدى قاسىم- جومارت توقايەۆ.

مەملەكەت باسشىسىنىڭ ايتۋىنشا، بۇگىندە يممۋنداۋ كۋرسىن 2,8 ميلليون ادام اياقتادى. الايدا جاقسى قارقىنعا قاراماستان، وڭىرلەر بولىنىسىندە جاعداي بىركەلكى ەمەس.

ۆاكسينا العىسى كەلمەيتىن ادامدارمەن جۇمىس ىستەۋدە ءارتۇرلى ءتاسىلدى قولدانۋ قاجەت. بۇل توپ بىركەلكى ەمەس. ۆاكسينادان باس تارتۋدىڭ سەبەپتەرى دە ءارتۇرلى. مۇنداي ادامدار اراسىندا شەشىم قابىلداي الماي جۇرگەندەر كوپ»، - دەپ اتاپ ءوتتى پرەزيدەنت.

مەملەكەت باسشىسى بارلىق قۇرالدارمەن، ونىڭ ىشىندە الەۋمەتتىك جەلىلەر ارقىلى ولاردى سەندىرۋدى، كوزىن جەتكىزۋدى تاپسىردى.

«باتىستىڭ كەيبىر دامىعان ەلدەرى سەندىرۋ ادىستەرىنەن ماجبۇرلەۋ شارالارىنا اۋىسۋدا. ءىرى ەڭبەك ۇجىمدارىنىڭ قىزمەتىمەن بايلانىستى ەرەكشە جاعدايلاردى قوسپاعاندا، ءبىز مۇنداي قادامعا بارمايمىز. ويتكەنى «قىڭىر» انتيۆاكسەرلەردىڭ شاعىن توبى كەسىرىنەن ءوز ەڭبەگىمەن وتباسىلارىنىڭ ءال- اۋقاتىن قامتاماسىز ەتىپ جۇرگەن ازاماتتارىمىزدىڭ دەنساۋلىعىنا قاۋىپ توندىرە المايمىز»، - دەيدى ق. توقايەۆ.

ايتا كەتەيىك، پرەزيدەنتتىڭ قاتىسۋىمەن ەلىمىزدەگى كوروناۆيرۋس ىندەتىنە بايلانىستى ەپيدەميولوگيالىق احۋال جونىندە كەڭەس ءوتىپ جاتىر.

بۇل تۋرالى اقوردانىڭ Twitter- دەگى پاراقشاسىندا حابارلاندى.

مەملەكەت باسشىسى كوروناۆيرۋس ىندەتىنە قارسى كۇرەس جونىندەگى شارالار تۋرالى ۇكىمەتتىڭ ەسەبىن تىڭدايدى. كەڭەس بارىسىندا وڭىرلەردەگى جالپى جاعدايدى جاقسارتۋعا جانە قازاقستان ازاماتتارىنىڭ دەنساۋلىعىن ساقتاۋعا باعىتتالعان ۇيلەسىمدى ءىس- قيمىل جوسپارى قابىلدانباق.

اۆتور: ايجان سەرىكجان قىزى