ۇلتتىق كەڭەستىڭ قۇرامىنا جاڭا مۇشەلەر قوسىلدى
«ۇلتتىق كەڭەستىڭ قۇرامى كەڭەيتىلدى. ەندى كەڭەسكە 48 قوعام قايراتكەرى مۇشە بولادى (بۇرىن 44 بولاتىن). ۇلتتىق كەڭەستىڭ قۇرامىنا ماڭعىستاۋ وبلىسىنان قوعام قايراتكەرى ۋايس ەرسايىن ۇلى، بەلگىلى ساياساتتانۋشى بۋريحان نۇرمۇحامەدوۆ، كاسىپكەر، «Аltyn Kyran» حالىقارالىق قايىرىمدىلىق قورىنىڭ پرەزيدەنتى يسلامبەك سالجانوۆ كىردى» دەپ جازدى ول.
سونداي- اق، پرەزيدەنت كەڭەسشىسى روتاتسيا اياسىندا ۇلتتىق كەڭەس قۇرامىنان اۋىت مۇقيبەكتىڭ شىعارىلعانىن مالىمدەدى.
«قازىر ۇلتتىق كەڭەستىڭ التىنشى وتىرىسىنا دايىندىق اياسىندا ۇ ق س ك مۇشەلەرىنىڭ وڭىرلەردەگى كوشپەلى جيىندارى ۇيىمداستىرىلۋدا. كوشپەلى وتىرىستىڭ باعدارلاماسىنا سايكەس ۇ ق س ك مۇشەلەرى قوعامدىق كەڭەستەردىڭ وكىلدەرىمەن، قوعام بەلسەندىلەرىمەن، سونىمەن قاتار جەرگىلىكتى اتقارۋشى ورگانداردىڭ وكىلدەرىمەن كەزدەسەدى. سونىڭ قورىتىندىسى بويىنشا ۇلتتىق كەڭەستىڭ كەلەسى وتىرىسىندا قارالاتىن ۇسىنىستار ازىرلەنەتىن بولادى»، - دەپ جازدى ەرلان قارين.
