اكىم سايلاۋىنىڭ الدىنداعى ۇگىت قاشان باستالادى
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 28-بابى 3-تارماعىنىڭ تالاپتارىنا سايكەس ەفيردەن جانە باسپا سوزدەن ورىن بەرۋ تولەمىنىڭ مولشەرى، شارتتارى مەن ءتارتىبى تۋرالى مالىمەتتەردى ءتيىستى بۇقارالىق اقپارات قۇرالى سايلاۋ الدىنداعى ۇگىتتى جۇرگىزۋ باستالعانعا دەيىن بەس كۇننەن كەشىكتىرمەي (2021 -جىلعى 9-شىلدەدەن كەشىكتىرمەي) حابارلاپ، جاريالاۋعا ءتيىس.
بۇقارالىق اقپارات قۇرالدارى ەفير مەن باسپا ءسوز بەتىنەن ورىن بەرۋ تولەمىنىڭ مولشەرى، شارتتارى مەن ءتارتىبى تۋرالى مالىمەتتەر جاريالانعانعا دەيىن كانديداتتاردىڭ ۇگىت ماتەريالدارىن ورنالاستىرۋ، تاراتۋ ءۇشىن ەفير ۋاقىتىن، باسپا ءسوز بەتىنەن ورىن بەرە المايدى (وسى نورمانى بۇزۋ لاۋازىمدى ادامدارعا - 30 ا ە ك مولشەرىندە، زاڭدى تۇلعالارعا 50 ا ە ك مولشەرىندە ايىپپۇل سالۋعا اكەپ سوعادى).
اۋداندىق ماڭىزى بار قالالاردىڭ، اۋىلداردىڭ، كەنتتەردىڭ، اۋىلدىق وكرۋگتەردىڭ اكىمدەرىن سايلاۋ بويىنشا ەفير جانە باسپا ءسوز بەتىنەن ورىن بەرۋ تولەمىنىڭ مولشەرى، شارتتارى مەن ءتارتىبى تۋرالى مالىمەتتەر اۋماقتىق سايلاۋ كوميسسيالارىنا بەرىلۋى ءتيىس.
«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 27-بابى 2-تارماعىنىڭ تالاپتارىنا سايكەس سايلاۋ الدىنداعى ۇگىت كانديداتتار تىركەلگەن مەرزىمى اياقتالعان كەزدەن باستالىپ، سايلاۋ بولاتىن كۇننىڭ الدىنداعى كۇنگى جەرگىلىكتى ۋاقىت بويىنشا ءنول ساعاتتا اياقتالادى. وسىلايشا، سايلاۋ الدىنداعى ۇگىت 2021 -جىلعى 14-شىلدە جەرگىلىكتى ۋاقىتپەن ساعات 18:00-دەن كەيىن باستالىپ، 2021 -جىلعى 24-شىلدە جەرگىلىكتى ۋاقىتپەن ساعات 00:00-دە اياقتالادى.
