شاڭحاي ىنتىماقتاستىق ۇيىمى: قازاقستاننىڭ ينۆەستيتسيالىق الەۋەتى تانىستىرىلدى

بەيجىڭ. قازاقپارات - شاڭحاي ىنتىماقتاستىق ۇيىمى حاتشىلىعىندا «ورتالىق ازيا ەلدەرىنىڭ ينۆەستيتسيالىق الەۋەتى - ش ى ۇ شەڭبەرىندە بىرلەسكەن جوبالاردى ىسكە اسىرۋ مۇمكىندىكتەرى مەن كەلەشەگى» اتتى فورۋم ءوتتى، دەپ حابارلايدى قازاقپارات ق ر س ءى م رەسمي سايتىنا سىلتەمە جاساپ.

ءىس-شارانى «قىتاي - ش ى ۇ» وڭىرلىك ساۋدا-ەكونوميكالىق ىنتىماقتاستىق ايماعى اكىمشىلىك كوميتەتىنىڭ (تسينداو ق.) قولداۋىمەن ش ى ۇ حاتشىلىعى مەن شەتەلدە كاسىپورىنداردى دامىتۋ جونىندەگى قىتايلىق قاۋىمداستىق (CODA) ۇيىمداستىردى.

فورۋمعا ءىرى قىتايلىق كومپانيالاردىڭ توپ-مەنەدجەرلەرى، مەملەكەتتىك ورگانداردىڭ، قوعامدىق ۇيىمداردىڭ جانە باق وكىلدەرى، جالپى سانى 100 دەن اسا ادام قاتىستى.

ولارعا ش ى ۇ مۇشە مەملەكەتتەر: قازاقستان، قىرعىزستان، تاجىكستان جانە وزبەكستاننىڭ ساۋدا-ەكونوميكالىق الەۋەتى، سونداي-اق ولاردىڭ ينۆەستيتسيالاردى قولداۋ سالاسىنداعى ساياساتى تانىستىرىلدى.

قىتايلىق كاسىپكەرلەرگە «Kazakh Invest «ۇ ك» ا ق، «سامۇرىق-قازىنا «ۇ ءا ق» ا ق جانە «استانا» حالىقارالىق قارجى ورتالىعىنىڭ ق ح ر- داعى باس وكىلدەرى قازاقستانداعى ىسكەرلىك احۋال تۋرالى، سونداي-اق ەلدەگى ينۆەستيتسيالىق مۇمكىندىكتەر جونىندە ايتىلدى. سونىمەن قاتار، فورۋم اياسىندا پانەلدىك سەسسيادا قازاقستاننىڭ قىتايداعى ەلشىسى عابيت قويشىبايەۆ قاتىسۋشىلاردى مەملەكەتىمىزدىڭ ەكونوميكالىق دامۋداعى جەتىستىكتەرىمەن، قازاقستان-قىتاي ساۋدا-ەكونوميكالىق ىنتىماقتاستىعىنىڭ كەلەشەگى ەرەكشە مول باعىتتارىمەن، سونداي-اق ەلدەگى ينۆەستيتسيالىق احۋالدى ودان ءارى جاقسارتۋ بويىنشا قازاقستان ۇكىمەتى اتقارىپ جاتقان جۇمىستارمەن تانىستىردى.

فورۋمنىڭ سوڭىندا ۆ2ۆ ۇلگىسىندە ءبىرقاتار ىسكەرلىك كەزدەسۋلەر ءوتتى، ولاردىڭ بارىسىندا مۇددەلى تاراپتار ناقتى كەلىسسوزدەر جۇرگىزىپ، ىنتىماقتاستىقتىڭ الداعى قادامدارىن تالقىلادى.