مەديتسينا ارداگەرى: كوروناۆيرۋستى ۆاكسينا عانا جەڭەدى

الماتى. قازاقپارات - مەديتسينا ارداگەرى كوروناۆيرۋس ينفەكسياسىمەن كۇرەسۋ كەزىندە ۆاكسيناتسيانىڭ ماڭىزدىلىعىن ايتتى، دەپ حابارلايدى قازاقپارات ءتىلشىسى.

الماتى قالاسى جەدەل جاردەم ستانتسياسىنىڭ ارداگەرى، جوعارى ساناتتى مامان يگور ۆولكوۆتىڭ ايتۋىنشا، كوروناۆيرۋستى تەك ۆاكسينا جەڭەدى. پاندەميادان شىعۋدىڭ جالعىز جولى - ەكپە الۋ.

«مەن ءومىر بويى جەدەل جاردەم ستانسياسىندا جۇمىس ىستەدىم جانە سوڭعى 15 جىل باس دارىگەر بولدىم. كوروناۆيرۋسقا قارسى جاپپاي ۆاكسيناتسيا باستالا سالىسىمەن العاشقىلاردىڭ ءبىرى بولىپ ۆاكسينا الدىم. ۆاكسيناتسيا - پاندەميانى جەڭە الاتىن ەڭ باستى قۇرال دەپ سانايمىن. سوندىقتان مەن بارلىعىن، بۇكىل حالىقتى ۆاكسيناتسيادان قورىقپاۋعا شاقىرامىن. بارلىعى ءوزىڭىزدى جانە جاقىندارىڭىزدى وسى قورقىنىشتى ىندەتتەن قورعاۋ ءۇشىن جاسالاتىنىن ءتۇسىنۋىڭىز كەرەك. ۆاكسينا سونىمەن قاتار ەپيدەميانىڭ الدىن الاتىن بۇگىنگى ءۇمىت. سىزگە ۆاكسينا ەگۋ كەرەك. بۇل - ءبارىمىز ءۇشىن باستى جانە ماڭىزدى مىندەت»، - دەدى يگور ۆولكوۆ.

ەسكە سالايىق، قازاقستاندا كوروناۆيرۋسقا قارسى ۆاكسينالاۋ ءبىرىنشى اقپاندا باستالدى. 2021 -جىلعى 1-شىلدەدەگى مالىمەت بويىنشا، قازاقستاندا I كومپونەنتپەن - 3413684 ادام، II كومپونەنتپەن 2039622 ادام ۆاكسينالاندى.

اۆتور: الما مۇقانوۆا