ەلىمىزدە جىل سايىن قانشا وندىرىستىك قالدىق شىعارىلادى
بۇل تۋرالى قازاقستانداعى ب ۇ ۇ دامۋ باعدارلاماسىنىڭ تۇراقتى وكىلىنىڭ ورىنباسارى ۆيتالي ۆرەميش ايتتى، دەپ حابارلايدى قازاقپارات.
«ب ۇ ۇ بيىل عانا قازاقستاندا جاڭا باعدارلاما بويىنشا ارىپتەستىكتى باستادى. 2025 -جىلعا دەيىن جوسپارلانعان باعدارلاماعا قورشاعان ورتانى قورعاۋعا ارنالعان باسىم باعىتتاردىڭ ءبارى ەنىپ وتىر. سوڭعى 15 جىلدا ب ۇ ۇ قولداۋىمەن ەلدە 200-دەن استام جوبا ىسكە اسىرىلدى. جىل سايىن قازاقستاندا ۇلكەن كولەمدەگى قاتتى تۇرمىستىق قالدىق قوردالانادى.
«جىل سايىن قازاقستاندا 4,5-5 ميلليون توننا قاتتى تۇرمىستىق قالدىق جانە 1 ميلليارد تونناعا جۋىق ونەركاسىپتىك قالدىق تۇزىلەدى. قاتتى تۇرمىستىق قالدىقتاردىڭ %80 دان استامى پوليگوندارعا جونەلتىلەدى. سونىڭ تەك %18 ى قايتا وڭدەلەدى. ول پوليگونداردىڭ كوبى ستاردارتقا ساي ەمەس. مەملەكەت بۇل پروبلەمانى شەشۋ ءۇشىن قالدىقتارمەن جۇمىس ىستەۋدە «جاسىل» ساياساتتى قالىپتاستىرۋعا جانە نىعايتۋعا باعىت الدى»، - دەدى بۇۇ وكىلى Green energy جانە Waste recycling forum اتتى جاڭارتىلاتىن ەنەرگيا جانە قالدىقتاردى قايتا وڭدەۋ جونىندەگى 5- ەۋرازيالىق بيزنەس- فورۋمىندا.
سونداي-اق، ول بۇگىن كۇشىنە ەنگەن ەكولوگيالىق كودەكستىڭ جاڭا رەداكسياسى قازاقستاننىڭ جاسىل ەكونوميكاعا كوشۋ جونىندەگى ۇلتتىق ماقساتتارعا قول جەتكىزۋىنە مۇمكىندىك اشاتىنىنا سەنىم ءبىلدىردى.
اۆتور: ەسىمجان ناقتىباي
