11:20, 01 - شىلدە 2021 | GMT +5
مەملەكەت باسشىسى ەسەپ كوميتەتىنىڭ ءتوراعاسىنا ءتيىستى تاپسىرمالار بەردى
نۇر- سۇلتان. قازاقپارات - مەملەكەت باسشىسى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ ءتوراعاسى ناتاليا گودۋنوۆانى قابىلدادى، دەپ حابارلايدى اقوردا.
ەسەپ كوميتەتىنىڭ ءتوراعاسى ناتاليا گودۋنوۆا پرەزيدەنت قاسىم- جومارت توقايەۆقا 2020 -جىلعى رەسپۋبليكالىق بيۋدجەتتىڭ جۇمسالۋىنا قاتىستى ۇكىمەتتىڭ ەسەبى بويىنشا شىعارىلعان نەگىزگى قورىتىندىلار جونىندە ەسەپ بەردى. قۇجات وتكەن اپتادا پارلامەنتتىڭ بىرلەسكەن وتىرىسىندا قابىلدانعان بولاتىن.
سونىمەن قاتار ناتاليا گودۋنوۆا جەر رەسۋرستارىن باسقارۋعا، ارناۋلى ەكونوميكالىق ايماقتارعا جانە «تاۋ- كەن سامۇرىق» ۇلتتىق تاۋ- كەن كومپانياسى» اكسيونەرلىك قوعامىنا جۇرگىزىلگەن تەكسەرىستەردىڭ نەگىزگى قورىتىندىلارى تۋرالى باياندادى.
كەزدەسۋ سوڭىندا مەملەكەت باسشىسى ەسەپ كوميتەتىنىڭ ءتوراعاسىنا ءتيىستى تاپسىرمالار بەردى.
