التاي كولگىنوۆ ەكى مىڭ ازاماتتى قابىلدادى - فوتو

نۇر-سۇلتان. قازاقپارات - قالا تۇرعىندارىنا الەۋمەتتىك كومەك كورسەتۋ بويىنشا جۇيەلى شارالار قابىلداۋ ءۇشىن ەلوردا اكىمى التاي كولگىنوۆ اپتا سايىن ازاماتتاردى قابىلدايدى.

2019 -جىلدىڭ جازىنان باستاپ 2021 -جىلدىڭ ءبىرىنشى جارتىجىلدىعىنا دەيىن ەلوردا اكىمى ەكى مىڭ تۇرعىندى قابىلدادى.

مىسالى قالا باسشىسى بيىل التى ايدا 250 دەن استام قالا تۇرعىنىنىڭ پروبلەماسىن شەشۋگە كومەكتەستى. پاندەميانى ەسكەرە وتىرىپ، ازاماتتاردى قابىلداۋ ونلاين-رەجيمدە جۇرگىزىلەدى. نۇر-سۇلتان قالاسىنىڭ اكىمى التاي كولگىنوۆ و ك ق الاڭىندا وتكەن بريفينگتە قالا تۇرعىندارىن الەۋمەتتىك كومەكپەن قامتۋ ءۇشىن قانداي شارالار قابىلدانعانىن ايتتى.

«ەلوردالىقتار نەگىزىنەن تۇرعىن ءۇي، الەۋمەتتىك كومەك الۋ، ءبىلىم الۋ، جۇمىسقا ورنالاسۋ، مەديتسينالىق كومەك سەكىلدى ءتۇرلى پروبلەمالاردى كوتەرەدى. تىكەلەي كومەك كورسەتۋ ءۇشىن عانا ەمەس، الەۋمەتتىك كومەكپەن تۇرعىنداردى بارىنشا كوپ قامتۋ ءۇشىن ءبىرقاتار ماڭىزدى ورتالىقتار اشىلدى. مىسالى، 2020 -جىلدىڭ كۇزىنەن باستاپ تۇرعىن ءۇي سالاسىندا قىزمەت كورسەتەتىن ءبىرىڭعاي ورتالىق (رەسپۋبليكا داڭعىلى، 32) جۇمىس ىستەيدى. وندا تۇرعىن ءۇي كەزەگىنىڭ ءنومىرى، كەزەككە قالاي تۇرۋ كەرەكتىگى، تۇرعىن ءۇي باعدارلامالارىنىڭ تەتىكتەرى سەكىلدى ءتۇرلى پروبلەمالاردىڭ شەشۋ جولىن بىلۋگە بولادى.

ال الەۋمەتتىك ماسەلەلەردى شەشۋ ءۇشىن «جانۇيا» وتباسى ينستيتۋتىن قولداۋ ورتالىعى (بەيبىتشىلىك كوشەسى، 14) اشىلدى. وندا «ءبىر تەرەزە» قاعيداتى بويىنشا قالا تۇرعىندارىنا 70 تەن استام مەملەكەتتىك قىزمەت كورسەتىلەدى. وسى جىلدىڭ ءبىرىنشى جارتىجىلدىعىندا 25 مىڭنان استام تۇرعىنعا كومەك پەن كەڭەس كورسەتىلدى.

سونىمەن قاتار، قالادا iQala قالالىق قىزمەتتەر ورتالىعى (قوشقاربايەۆا، 29) جۇمىس ىستەيدى. بۇل جەردە تۇرعىن ءۇي- كوممۋنالدىق سەكتوردى «ءبىر تەرەزە» قاعيداتى بويىنشا ۇيىمداستىرۋ قىزمەتىن الۋعا بولادى. بۇرىن قىزمەت كورسەتۋ رەگلامەنتى بولماعان: قالا تۇرعىنى بارلىق مونوپوليستەردى ارالاپ ءجۇرىپ، ارقايسىسىمەن جەكە- جەكە شارتتار جاساسىپ، ءجيى-ءجيى حابارلاسىپ، قۇجاتتاردىڭ دايىن بولعانىن ءبىلۋى ءتيىس ەدى.

بۇل شامامەن ءبىر اي ۋاقىتتى الاتىن. قازىر iqala.kz سايتى ارقىلى ءوتىنىش بەرىلەدى، ال 3-5 كۇن ىشىندە قۇجاتتاردىڭ دايىن ەكەندىگى تۋرالى SMS حابارلاما كەلەدى.

وتكەن ايدا جاستارعا قىزمەت كورسەتۋ ورتالىعى (گەتە،1) اشىلدى.

مۇندا جاستار ءبىلىم الۋ، جۇمىسقا ورنالاسۋ سەكىلدى وزەكتى ماسەلەلەر بويىنشا كەڭەس الا الادى. وسى الەۋمەتتىك ورتالىقتاردىڭ جۇمىسىن كۇشەيتۋدى ارى قاراي دا جالعاستىرامىز»، - دەدى ەلوردا اكىمى التاي كولگىنوۆ.

بۇدان باسقا، ازاماتتاردى قابىلداۋ كەزىندە كەلىپ تۇسەتىن ماسەلەلەردى ەسكەرە وتىرىپ، وقۋعا بولىنەتىن گرانتتار سانى ۇلعايدى، وڭالتۋ جانە مەديتسينالىق ورتالىقتار، بالالارعا ارنالعان دەمالىس ورتالىقتارى مەن ۇيىرمەلەر، قوعامدىق كەڭىستىكتەر (ساياباقتار، گۇلزارلار، جەلەكجولدار) مەن اۋلالار جەلىسى كەڭەيتىلدى، سونداي-اق بۇزىلۋعا، كۇردەلى جوندەۋ جۇرگىزۋگە جاتاتىن اپاتتى ۇيلەر جانە ت. ب. تىزىمگە ەنگىزىلەدى.