قازاقستانعا شەتەلدەن ەڭبەك ميگرانتتارى قالاي كەلە الادى؟
بۇل سۇراققا ق ر ءى ءى م كوشى-قون كوميتەتى ءتوراعاسىنىڭ ورىنباسارى سابىرجان سەيىتجانوۆ جاۋاپ بەردى، دەپ حابارلايدى قازاقپارات ءتىلشىسى.
«قازاقستان اۋماعىنا شەتەل ازاماتتارىنىڭ كەلۋى ءۇشىن رۇقسات ق ر ۇكىمەتى جانىنداعى ۆەدومستۆوارالىق كوميسسيانىڭ شەشىمىنە سايكەس بەرىلەدى. سونداي-اق، ءبىزدىڭ ەلدە ءوز كاسىبى نەمەسە قىزمەتىن ۇسىنعىسى كەلگەن زاڭدى تۇلعالار جەرگىلىكتى اتقارۋشى ورگاننىڭ اتىنا رەسمي حات جولداۋى ءتيىس. ول حاتتا قازاقستانعا نە ءۇشىن كەلەتىنىن، قانداي قىزمەت نەمەسە كاسىپپەن اينالىساتىنىن اشىپ كورسەتۋى ءتيىس. سول حاتتىڭ نەگىزىندە كوميسسيا شەشىم شىعارادى. ەگەر ۇسىنىلعان جوبانىڭ قازاقستان ءۇشىن جانە حالىقتىڭ الەۋمەتى ءۇشىن ءتيىمدى بولىپ تابىلسا، ول ۇسىنىس ۆەدومستۆوارالىق كوميسسيانىڭ قاراۋىنا ۇسىنىلادى. ۆەدومستۆوارالىق كوميسسيانىڭ وتىرىسى اپتاسىنا ءبىر رەت ءوتىپ تۇرادى»، - دەدى س. سەيىتجانوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، قازاقستان اۋماعىندا ەڭبەك ەتكىسى كەلگەن شەتەل ازاماتى ۆەدومستۆوارالىق كوميسسيانىڭ وڭ شەشىمىنەن سوڭ س ءى م، ءى ءى م جانە شەكارا قىزمەتىنىڭ اتىنا ءبىزدىڭ ەلگە كەلۋى جونىندەگى حاتتاما جولداۋى ءتيىس. سونداي-اق، ەلىمىزگە كەلەتىن ءاربىر شەتەل ازاماتىنا سانيتارلىق تالاپتاردىڭ ءجىتى تۇسىندىرىلەتىنى ايتىلدى.
بۇعان دەيىن ق ر ءى ءى م كوشى-قون كوميتەتىنىڭ وكىلى ەلىمىزدە 4,6 مىڭنان استام ازاماتتىڭ جەكە كۋالىگى جوق ەكەنىن ءمالىم ەتتى. ودان بولەك، س. سەيىتجانوۆ قازاقستاندا ازاماتتىعى جوق 7 مىڭ ادامنىڭ تىركەلگەنىن ايتتى.
