ايدا بالايەۆا: ب ا ق - ۇلت قاۋىپسىزدىگىنىڭ وزەگى
سالتاناتتى شارانى اشقان ايدا بالايەۆا ب ا ق-تىڭ مەملەكەت دامۋىنداعى رولىنە قىسقاشا توقتالدى. «بۇقارالىق اقپارات قۇرالدارى تەك قانا اقپاراتتى جەتكىزەتىن قۇرال ەمەس، ەڭ باستىسى يدەولوگيامىزدىڭ، ۇلتتىق قاۋىپسىزدىگىمىزدىڭ وزەگى. ەلگە قىزمەت ەتۋدە كۇندىز- ءتۇنى ايانباي ەڭبەك ەتىپ جۇرسىزدەر»، - دەپ باستادى مينيستر.
ۆەدومستۆو باسشىسى جۋرناليستەر دايىنداعان كاسىبي ماتەريالداردىڭ ارقاسىندا ادامداردىڭ ءومىرى قۇتقارىلعان جايتتار دا بولعانىن ەسكە الدى.
«حالىققا قىزمەت - كاسىبي اقپاراتتى دەر كەزىندە جەتكىزۋ، مەملەكەتتىك ساياساتتى جەتكىزۋ. مەملەكەتتىك ساياساتتىڭ نەگىزىندە حالىقتىڭ ءال- اۋقاتىن كوتەرۋ، تۇرمىسىن ساپالى ەتۋ جاتىر. سول تۇرعىدا بارلىق مەملەكەتتىك باعدارلامالار باستامالاردىڭ ءبارى حالىققا جەتۋ ماسەلەلەرى وزەكتى. سونىمەن قاتار كۇندەلىكتى حالىقتىڭ كوكەيتەستى ماسەلەلەرىن شەشۋدە ايانباي قىزمەت ەتىپ كەلە جاتىرسىزدار. سىزدەردىڭ ماتەريالدارىڭىز ارقىلى تەك قانا قوعامدىق- ساياسي، ەكونوميكالىق وزگەرۋمەن قاتار ءار جەكە ادامنىڭ دا ءومىرىن وزگەرتىپ، ءيا بولماسا، ءومىرىن قۇتقارىپ جاتقان جايتتار بار. سوندىقتان بۇگىنگى كاسىبي مەرەكەلەرىڭىزبەن قۇتتىقتايمىن. ءارقايسىڭىزدىڭ ارتتارىڭىزدا تۇتاس ۇجىم تۇر. سىزدەر ارقىلى سول ۇجىمدارىڭىزدى قۇتتىقتايمىن»، - دەگەن ايدا بالايەۆا بىرنەشە ب ا ق وكىلى مەن باسشىلارىنا ناگرادالار تابىستادى.
