تىلشىلەر ادامدى قۇتقارۋ سىناعىنان ءوتتى: ق ر ت ج م سايىسىندا «قازاقپارات» جۇلدەلى بولدى - فوتو

نۇر-سۇلتان. قازاقپارات - ەلوردادا ب ا ق وكىلدەرىنە توتەنشە جاعداي كەزىندە ارەكەت ەتۋ سىناعى ۇيىمداستىرىلدى، دەپ حابارلايدى قازاقپارات ءتىلشىسى.

ق ر توتەنشە جاعدايلار مينيسترلىگى بۇقارالىق اقپارات قۇرالدارى قىزمەتكەرلەرى كۇنىنە وراي جۋرناليستەر اراسىندا جارىس وتكىزدى. سايىسقا 7 كوماندا قاتىستى. ولاردىڭ قاتارىندا «Qazaqstan» ۇلتتىق ارناسى، «ەۋرازيا-1 ارناسى»، «3» 1، «ك ت ك»، «Atameken business» تەلەارنالارى جانە «قازاقپارات» حالىقارالىق اگەنتتىگى مەن «Tengrinews» سايتى كوماندالارى بار.

سىناق 7 كەزەڭنەن تۇردى. ونىڭ ىشىندە توتەنشە جاعدايدا ادام ءومىرىن قۇتقارۋ، جىلدامدىق پەن شۇعىل شەشىم قابىلداۋ، ءورت الاڭىنان ادامدى امان الىپ شىعۋ، ءورتتى ءسوندىرۋ، ساناۋلى ۋاقىت ىشىندە ءتۇرلى كەدەرگىلەردەن ءوتۋ جانە تاعى باسقا.

اتالعان شارانى توتەنشە جاعدايلار ءمينيسترى يۋري يلين ب ا ق وكىلدەرىن كاسىبي مەرەكەسىمەن قۇتتىقتاۋدان باستادى.

سايىس باستالماس بۇرىن ونىڭ ەرەجەسى ءتۇسىندىرىلىپ، قاتىسۋشىلارعا ارنايى كيىم مەن قاجەتتى قۇرال- جابدىقتار بەرىلدى. باستىسى جىلدامدىق پەن شيراقتىلىقتى جانە كوماندامەن جۇمىس ىستەۋدى تالاپ ەتەتىن جارىستا ۇزدىك دەگەن كوماندالار انىقتالدى.

جۋرناليستەردىڭ توتەنشە جاعدايدا جۇمىس ىستەي ءبىلۋ قابىلەتىن سالا ماماندارى قاداعالاپ، باعالادى. جارىس ناتيجەسىندە «Atameken business» تەلەارناسىنىڭ قۇراماسى 1-ورىن يەلەنسە، «قازاقپارات» حالىقارالىق اقپارات اگەنتتىگىنىڭ جۋرناليستەرى 2-ورىنعا تابان تىرەدى.

جۇلدەلى 3-ورىن «ەۋرازيا-1» تەلەارناسىنا بۇيىردى. شارا سوڭىندا بارلىق قاتىسۋشىلار ماراتتالىپ، ەستەلىك سىيلىقتار تاپسىرىلدى.

ايتا كەتەيىك، اتالعان شارا نۇر-سۇلتان قالالىق مامانداندىرىلعان ءورت ءسوندىرۋ بەكەتىندە ءوتتى.