ەلوردادا ەرتەڭنەن باستاپ ساۋدا ورتالىقتارى مەن كافەلەر قالاي جۇمىس ىستەيدى
نۇر-سۇلتان قالاسىنىڭ باس مەملەكەتتىك سانيتارلىق دارىگەرىنىڭ جاڭا قاۋلىسى 2021 -جىلعى 22-ماۋسىم كۇنى ق ر اۋماعىندا كوروناۆيرۋس ينفەكسياسىنىڭ پايدا بولۋى مەن تارالۋىنا جول بەرمەۋ جونىندەگى ۆەدومستۆوارالىق كوميسسيا وتىرىسىنىڭ حاتتاماسى نەگىزىندە قابىلدانعان بولاتىن.
قۇجاتقا سايكەس، ساۋدا، ويىن- ساۋىق ورتالىقتارىنىڭ جۇمىس كەستەسى وزگەرتىلدى.
ەرتەڭنەن باستاپ س و و- لار COVID-19-عا قارسى ۆاكسينالاۋ پۋنكتەرى ورنالاسقانىنا قاراماستان، دۇيسەنبى- جۇما كۇندەرى ساعات 10:00-دەن 17:00-گە دەيىن عانا جۇمىس ىستەيدى. ساۋدا، ويىن- ساۋىق ورتالىعىندا ورنالاسقان ازىق- تۇلىك جانە ءبىرىنشى كەزەكتە قاجەتتى زاتتاردى ساتاتىن شاعىن ماركەتتەرگە، سۋپەرماركەتتەر، گيپەرماركەتتەر مەن ءدارىحانالارعا بۇل شەكتەۋ قولدانىلمايدى.
فۋدكورتتاردىڭ جۇمىسى تاماقتى وزىمەن بىرگە الىپ كەتۋ نەمەسە جەتكىزۋ ءتارتىبى بويىنشا جۇمىس ىستەيدى. بۇل «Ashyq» جوباسىنا قاتىساتىن فۋدكورتتارعا قولدانىلمايدى.
ال ءتۇرلى اكسيالار، جارمەڭكەلەر، شوۋرۋمدار، وفلاين فورماتتاعى ۇتىس ويىندارىن وتكىزۋگە تىيىم سالىنادى.
سونداي-اق قالاداعى ءدامحانالار مەن مەيرامحانالاردىڭ دا جۇمىس ۋاقىتى قىسقارتىلاتىن بولادى.
«Ashyq» جوباسىنا قاتىساتىن وبەكتىلەردى قوسپاعاندا مەيرامحانالار، ءدامحانالار، كوفەحانالار تيپىندەگى (عيماراتتاردىڭ ىشىندە) قوعامدىق تاماقتانۋ نىساندارىنىڭ جۇمىسىن ورنالاسقان جەرىنە قاراماستان، كۇشەيتىلگەن سانيتاريالىق- ەپيدەمياعا قارسى، سانيتاريالىق- پروفيلاكتيكالىق ءىس- شارالاردى جانە كورشىلەس ۇستەلدەردىڭ شەتكى ورىندارى اراسىندا كەمىندە 2 مەتر الەۋمەتتىك قاشىقتىقتى ساقتاي وتىرىپ، تولتىرىلۋى %50 عا دەيىن، ءبىراق 30 ورىننان اسپايتىن شارتتاردى قامتاماسىز ەتۋى كەرەك.
وسى جاعدايدا جۇمىس كۇندەرى ساعات 07:00-دەن 20:00-گە دەيىن جۇمىس كەستەسىن بەلگىلەۋمەن، سەنبى جانە جەكسەنبى كۇندەرى جۇمىستارىنا تىيىم سالا وتىرىپ ۇيىمداستىرىلۋى ءتيىس»، - دەلىنگەن قاۋلىدا.
