اقپارات كوميتەتىنىڭ ءتوراعاسى قىزمەتىنەن بوساتىلدى

نۇر-سۇلتان. قازاقپارات - ق ر اقپارات جانە قوعامدىق دامۋ ءمينيسترىنىڭ بۇيرىعىمەن ءلاززات كەڭەس قىزى سۇيىندىك باسقا جۇمىسقا اۋىسۋىنا بايلانىستى ق ر اقپارات جانە قوعامدىق دامۋ مينيسترلىگىنىڭ اقپارات كوميتەتىنىڭ ءتوراعاسى قىزمەتىنەن بوساتىلدى.

بۇل تۋرالى ق ر پرەمەر-ءمينيسترىنىڭ باسپا ءسوز قىزمەتى حابارلايدى.

ل. سۇيىندىك 1985-جىلى 26- شىلدەدە قوستاناي وبلىسىندا دۇنيەگە كەلگەن. ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىن، قازتۇتىنۋوداعى قاراعاندى ەكونوميكالىق ۋنيۆەرسيتەتىن، شەففيلد ۋنيۆەرسيتەتىن ءتامامداعان.

2008-2014-جىلدارى مادەنيەت جانە اقپارات مينيسترلىگىندە ءتۇرلى قىزمەتتەر اتقارعان. 2014-2016-جىلدارى — قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بايلانىس، اقپاراتتاندىرۋ جانە اقپارات كوميتەتىنىڭ ەلەكتروندىق ب ا ق باسقارماسىنىڭ باسشىسى. 2016-جىلدان باستاپ 2019-جىلعا دەيىن ق ر اقپارات جانە كوممۋنيكاتسيالار مينيسترلىگىنىڭ اقپارات كوميتەتى ءتوراعاسىنىڭ ورىنباسارى بولىپ جۇمىس ىستەدى.

2019-جىلعى مامىر ايىنان باستاپ قازىرگە دەيىن ق ر اقپارات جانە قوعامدىق دامۋ مينيسترلىگىنىڭ اقپارات كوميتەتىنىڭ ءتورايىمى قىزمەتىن اتقاردى.