ق ر س ءى م- دە قازاقستان مەن ەۋرووداق اراسىنداعى ىنتىماقتاستىق ماسەلەسى تالقىلاندى

بۇل تۋرالى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

سۇحبات بارىسىندا قازاقستان مەن ەۋرووداق اراسىنداعى ستراتەگيالىق قاتىناستاردى نىعايتۋ ماسەلەلەرىن قوسا العاندا، حالىقارالىق جانە وڭىرلىك كۇن ءتارتىبىنىڭ كەڭ اۋقىمدى وزەكتى ماسەلەلەرى بويىنشا جان-جاقتى پىكىر الماسىلدى.

تاراپتار ءوڭىردىڭ تۇراقتى دامۋىنا باعىتتالعان جوبالار مەن باعدارلامالاردى ىسكە اسىرۋعا نازار اۋدارا وتىرىپ، ە و- نىڭ ورتالىق ازيا بويىنشا جاڭا ستراتەگياسى، سونداي-اق قازاقستانمەن كەڭەيتىلگەن ارىپتەستىك جانە ىنتىماقتاستىق تۋرالى كەلىسىم (ك ا ى ك) شەڭبەرىندەگى ىنتىماقتاستىقتى ونىڭ ىشىندە ەۋرووداقتىڭ «Team Europe « باستاماسىن تالقىلادى.

كەلىسسوزدەردىڭ وزەكتى تاقىرىبى حالىقتى كوروناۆيرۋس ىندەتىنەن ۆاكسينالاۋ ماسەلەسى بولدى.

تاراپتار قازاقستان مەن ە و- نىڭ «ۆاكسيناتسيا پاسپورتتارىن» تانۋ جانە پايدالانۋ پەرسپەكتيۆالارىن تالقىلادى.

اتاپ ايتقاندا، پ. بۋريان ءوزىنىڭ «QazVac» ۆاكسيناسىن جاساۋ قازاقستاننىڭ عىلىمي-زەرتتەۋ الەۋەتىن كورسەتەتىنىن اتاپ ءوتتى.

م. تىلەۋبەردى ەۋروپالىق ديپلوماتتى «حالىق ۇنىنە قۇلاق اساتىن مەملەكەت» تۇجىرىمداماسى اياسىندا پرەزيدەنت قاسىم-جومارت توقايەۆتىڭ باستاماسىمەن قولعا الىنعان ساياسي رەفورمالاردىڭ جۇزەگە اسىرىلۋ بارىسىمەن تانىستىردى.

وسى تۇرعىدا، ە و وكىلى قازاقستانداعى ساياسي رەفورمالاردىڭ ءۇشىنشى پاكەتىنىڭ يمپلەمەنتاتسياسىن وڭ باعالادى.

سول كۇنى پ. بۋرياننىڭ ق ر پرەزيدەنتىنىڭ حالىقارالىق ىنتىماقتاستىق جونىندەگى ارنايى وكىلى ەرجان قازىحانمەن كەزدەسۋى ءوتتى. ونىڭ بارىسىندا تاراپتار قازاقستان مەن بۇكىل ورتالىق ازيادا يننوۆاتسيالار مەن تەحنولوگيالاردى جاساۋعا، دامىتۋعا جانە تاراتۋعا باعىتتالعان جاڭا باعدارلامالاردى ىسكە اسىرۋ ماسەلەلەرىن تالقىلادى.

ءوز كەزەگىندە ە. قازىحان سۇحباتتاسۋشىنىڭ نازارىن قازاقستانداعى دەموكراتيالىق وزگەرىستەرگە جانە ك ا ى ك ەرەجەلەرىن ودان ءارى يمپلەمەنتاتسيالاۋ قاجەتتىگىنە اۋداردى.

كەزدەسۋ قورىتىندىسى بويىنشا پ. بۋريانعا قازاقستان مەن ە و اراسىنداعى دوستىق قارىم-قاتىناستاردى دامىتۋعا كۇش سالعانى ءۇشىن العىس ايتىلدى.

مەملەكەت باسشىسىنىڭ جارلىعىنا سايكەس وعان ەۋرووداقتىڭ قازاقستانمەن جانە ورتالىق ازيامەن ىنتىماقتاستىق جونىندەگى ستراتەگيالىق قۇجاتتارىن ازىرلەۋگە جانە ىسكە اسىرۋعا ەلەۋلى ۇلەس قوسقانى ءۇشىن II دارەجەلى «دوستىق» وردەنى تابىس ەتىلدى.