اسقار مامين نيدەرلاندىنىڭ جەتەكشى كومپانيالارىمەن ا ءو ك جوبالارىن ىسكە اسىرۋ ماسەلەسىن تالقىلادى

نۇر- سۇلتان. قازاقپارات – ق ر پرەمەر- ءمينيسترى اسقار مامين نيدەرلاندىنىڭ جەتەكشى كومپانيالارىمەن ا ءو ك جوبالارىن ىسكە اسىرۋ ماسەلەسىن تالقىلادى، دەپ حابارلايدى قازاقپارات ۇكىمەت باسشىسىنىڭ باسپا ءسوز قىزمەتىنە سىلتەمە جاساپ.

كەلىسسوز قورىتىندىسى بويىنشا «Kazakh Invest» ۇ ك» ا ق، «ۇلتتىق اگرارلىق عىلىمي- ءبىلىم بەرۋ ورتالىعى» ك ە ا ق، قازاقستاننىڭ كارتوپ جانە كوكونىس وسىرۋشىلەر وداعى، «قازىنا كاپيتال مەنەدجمەنت» ا ق وكىلدەرى، سونداي- اق ءبىرقاتار قازاقستاندىق كومپانيالار

Dutch Greenhouse Delta, Food Ventures, Rijk Zwaan, Solynta

جانە Koppert Biological Systems-بەن قازاقستاندا جەمىس- كوكونىس شارۋاشىلىعى مەن تۇقىمدىق كارتوپ ءوندىرىسىن، وسىمدىكتەردى بيولوگيالىق قورعاۋ قۇرالدارىن دامىتۋ، ق ر جىلىجاي كەشەندەرىن سالۋ، تۇركىستان وبلىسىندا دەمونستراتسيالىق ستانسيا مەن جوعارى تەحنولوگيالىق- زەرتتەۋ ورتالىعىن سالۋ بويىنشا بىرلەسكەن جوبالاردى ىسكە اسىرۋدى كوزدەيتىن كەلىسىمدەرگە قول قويدى.

اتالعان جوبالار بويىنشا ق ر ەكونوميكاسىنا سالىنعان ينۆەستيتسيالاردىڭ جالپى سوماسى 100 ميلليارد تەڭگەدەن اسادى. ولاردى ىسكە اسىرۋ قازاقستاندا جاڭا ساپالى جۇمىس ورىندارىن قۇرۋعا، ا ءو ك سالاسىندا وزىق تەحنولوگيالار مەن پراكتيكانى ەنگىزۋگە، سونداي- اق قازاقستاننىڭ ازىق- تۇلىك قاۋىپسىزدىگىن قامتاماسىز ەتۋ دەڭگەيىن جانە ەكسپورتتىق الەۋەتىن ارتتىرۋعا جول اشادى.

نيدەرلاندتىق كومپانيالاردىڭ وكىلدەرى ق ر- عا ساپارى اياسىندا الماتى، اقتوبە، باتىس قازاقستان وبلىستارى مەن الماتى قالاسىنا وڭىرلەردىڭ باسشىلىعىمەن جانە قازاقستاندىق سەرىكتەستەرىمەن بىرلەسكەن جوبالاردى ىسكە اسىرۋدى ەگجەي- تەگجەيلى تالقىلاۋ ءۇشىن بارادى.

قازاقستاندا نيدەرلاندتىق كاپيتالدىڭ قاتىسۋىمەن 900-دەن استام كاسىپورىن جۇمىس ىستەيدى، ولار ق ر ەكونوميكاسىنىڭ ەنەرگەتيكا، ماشينا جاساۋ، قۇرىلىس، كولىك- لوگيستيكا جانە اگروونەركاسىپ سەكتورلارىندا كەڭىنەن ۇسىنىلعان. وزىق تەحنولوگيالار مەن اگروسەكتوردى جۇرگىزۋدىڭ ءتيىمدى ادىستەرىن پايدالاناتىن نيدەرلاندى كوشباسشى ورىنعا يە جانە الەم بويىنشا ا ق ش- تان كەيىن اۋىل شارۋاشىلىعى ونىمدەرىنىڭ ەكىنشى ءىرى ەكسپورتتاۋشىسى.

كەلىسسوزدەرگە قازاقستان تاراپىنان اۋىل شارۋاشىلىعى ءمينيسترى ساپارحان وماروۆ، نيدەرلاند كورولدىگىندەگى ق ر توتەنشە جانە وكىلەتتى ەلشىسى اسقار جۇماعاليەۆ، «Kazakh Invest» ۇ ك» ا ق باسقارما ءتوراعاسى مەيىرجان يۋسۋپوۆ، «ۇلتتىق اگرارلىق عىلىمي- ءبىلىم بەرۋ ورتالىعى» ك ە ا ق باسقارما ءتوراعاسى گۇلميرا يسايەۆا، «بايتەرەك» ۇ ب ح» ا ق باسقارما ءتوراعاسىنىڭ ءبىرىنشى ورىنباسارى قانىش ءىزباستين، نيدەرلاندى تاراپىنان ق ر- داعى ەلشى اندرە كارستەنس قاتىستى.